తాతకు విషెస్ చెప్పిన చెర్రీ అండ్ ఉపాసన

ప్రతాప్ సి రెడ్డి.. ఓపోలో గ్రూప్ ఫౌండర్ గా.. తెలుగు వాడి ఖ్యాతిని ఖండాంతరాలకు వ్యాపింపచేసిన వ్యక్తి. ఈ ఆదివారంతో ఈయన 85 ఏళ్ల వయసును పూర్తి చేసుకుని.. 86వ వసంతంలోకి అడుగు పెట్టారు. ఈ సందర్భంగా.. ప్రతాప్ రెడ్డి మనవరాలు.. మెగా స్టార్ కోడలు అయిన ఉపాసన.. తన సోషల్ నెట్వర్కింగ్ సైట్స్ ద్వారా ఆయనకు బర్త్ డే విషెస్ తెలియచేసింది.

తన భర్త మెగా పవర్ స్టార్ రామ్ చరణ్ తో కలిసి.. తాతను కలిసిన ఆమె.. వీలైనంత సేపు ఆ పెద్దాయనతో గడపడమే కాదు.. ఆ మధుర క్షణాల్లోంచి ఓ ఫోటోను అభిమానులతో పంచుకుంది. 'హ్యాపీ బర్త్ డే తాతా.. ప్రపంచవ్యాప్తంగా ఎంతో మందికి మీరు స్ఫూర్తిగా నిలిచారు. మీ ఆశయం.. సమున్నత లక్ష్యం అందరికీ ఆదర్శం' అంటూ కామెంట్ తో పాటు.. ఆయనతో కలిసి చరణ్-తాను దిగిన ఓ ఫోటోను షేర్ చేసింది ఉపాసన.

చరణ్-ఉపాసనలతో పాటు అనేక మంది ప్రముఖులు.. ప్రతాప్ రెడ్డికి సోషల్ మీడియా ద్వారాను.. నేరుగా కలిసి పుట్టినరోజు శుభాకాంక్షలు తెలిపారు.

Like Us on Facebook : https://www.facebook.com/Tupakidotcom/