మెగాస్టార్ చిరంజీవి - కొరటాల శివ కాంబినేషన్ లో తెరకెక్కుతున్న 'ఆచార్య' మూవీలో రామ్ చరణ్ కీలక పాత్రలో నటించనున్న సంగతి తెలిసిందే. చరణ్ ప్రస్తుతం దర్శకధీరుడు రాజమౌళి తీస్తున్న 'ఆర్.ఆర్.ఆర్' సినిమాలో నటిస్తున్నాడు. నిహారిక పెళ్లి కోసం షూటింగ్ కి బ్రేక్ తీసుకున్న చరణ్.. త్వరలోనే తిరిగి సెట్స్ లో అడుగుపెట్టనున్నాడు. అయితే జనవరి వరకు 'ఆర్.ఆర్.ఆర్' షూటింగ్ చేసి.. ఆ తర్వాత 'ఆచార్య' షూటింగ్ లో పాల్గొనడానికి చెర్రీ ప్లాన్స్ చూసుకుంటున్నాడట. దీని కోసం ఇప్పటికే రాజమౌళి అనుమతి కూడా తీసుకున్నాడట. ఇక కొరటాల సైతం చరణ్ సన్నివేశాలను సింగిల్ షెడ్యూల్ తీసేలా ప్లాన్స్ చేసుకున్నాడని తెలుస్తోంది.
అంతేకాకుండా 'ఆచార్య' లో తన పార్ట్ చిత్రీకరణ పూర్తి చేసిన తర్వాతే చరణ్ 'ఆర్.ఆర్.ఆర్' టీమ్ తో జాయిన్ అవుతాడట. 'ఆచార్య' షూటింగ్ ప్రస్తుతం హైదరాబాద్ సమీపంలోని ప్రత్యేకంగా వేసిన సెట్స్ లో జరుపుతున్నారు. త్వరలోనే హీరోయిన్ కాజల్ కిచ్లు కూడా షూటింగ్ లో జాయిన్ కానుందని సమాచారం. కాగా, 'ఆచార్య' ను కొణిదెల ప్రొడక్షన్స్ సమర్పణలో మాట్నీ మూవీస్ బ్యానర్ పై నిరంజన్ రెడ్డి - రామ్ చరణ్ సంయుక్తంగా నిర్మిస్తున్నారు. దీనికి మణిశర్మ సంగీతం అందిస్తుండగా.. తిరు సినిమాటోగ్రాఫర్ గా వ్యవహరిస్తున్నారు. 'ఆచార్య' వచ్చే ఏడాది వేసవిలో విడుదల చేయనున్నారు.
అంతేకాకుండా 'ఆచార్య' లో తన పార్ట్ చిత్రీకరణ పూర్తి చేసిన తర్వాతే చరణ్ 'ఆర్.ఆర్.ఆర్' టీమ్ తో జాయిన్ అవుతాడట. 'ఆచార్య' షూటింగ్ ప్రస్తుతం హైదరాబాద్ సమీపంలోని ప్రత్యేకంగా వేసిన సెట్స్ లో జరుపుతున్నారు. త్వరలోనే హీరోయిన్ కాజల్ కిచ్లు కూడా షూటింగ్ లో జాయిన్ కానుందని సమాచారం. కాగా, 'ఆచార్య' ను కొణిదెల ప్రొడక్షన్స్ సమర్పణలో మాట్నీ మూవీస్ బ్యానర్ పై నిరంజన్ రెడ్డి - రామ్ చరణ్ సంయుక్తంగా నిర్మిస్తున్నారు. దీనికి మణిశర్మ సంగీతం అందిస్తుండగా.. తిరు సినిమాటోగ్రాఫర్ గా వ్యవహరిస్తున్నారు. 'ఆచార్య' వచ్చే ఏడాది వేసవిలో విడుదల చేయనున్నారు.