వంగవీటికి వర్మ డైరక్షన్ కాదా!?

సంచనల దర్శకుడు రామ్ గోపాల్ వర్మ.. వంగవీటి మూవీపై చాలానే అంచనాలు పెట్టుకున్నాడు. ఈ స్టోరీకి చాలా ఇంటెన్సిటీ ఉందని.. వంగవీటికి మించిన స్టోరీ మరొకటి తనకు దొరకదు కాబట్టి.. ఇదే తనకు ఆఖరి తెలుగు సినిమా అని ప్రారంభానికి ముందే హడావిడి చేశాడు. ఇన్ని చెప్పాక కచ్చితంగా.. వంగవీటిలో తన ట్యాలెంట్ అంతా చూపించేస్తాడని ఎక్స్ పెక్ట్ చేస్తాం.

కానీ వాస్తవం వేరేగా ఉందనే టాక్ వినిపిస్తోంది. వంగవీటి మూవీకి వర్మ దగ్గరుండి డైరెక్షన్ చేసింది చాలా తక్కువ అంటున్నారు. అప్పుడప్పుడూ మినహాయిస్తే.. అసలు షూటింగ్ స్పాట్ కి కూడా వర్మ అటెండ్ కాలేదట. సినిమా అంతా ఆయన అసిస్టెంట్స్ తీసేస్తే.. వర్మ మాత్రం ఫోన్ లో సలహాలు ఇచ్చేవాడట. అసిస్టెంట్స్ తీసిన కంటెంట్ ని మానిటర్ మాత్రం చేశాడని తెలుస్తోంది. అయినా సరే.. రీసెంట్ గా రిలీజ్ అయిన ట్రైలర్ కు సూపర్బ్ రెస్పాన్స్ వచ్చింది. వర్మ మరోసారి బోలెడంత ఇంటెన్సిటీ కురిపించేశాడని అంటున్నారు కానీ.. ఇదంతా అసిస్టెంట్స్ ట్యాలెంట్ గా చెబుతున్నారు.

ఇప్పటికే వంగవీటి షూటింగ్ కంప్లీట్ అయిపోయిందని.. రీరికార్డింగ్ సహా పోస్ట్ ప్రొడక్షన్ పనులు మాత్రమే పెండింగ్ ఉన్నాయని టాక్. నిర్మాత దాసరి కిరణ్ కుమార్ ఈ చిత్రంపై బాగానే ఖర్చు చేసేశాడు. ఆయన మాత్రం ఔట్ పుట్ పై శాటిస్ఫైగానే ఉండడం చెప్పుకోవాల్సిన విషయం. మరోవైపు వర్మ మాత్రం అమితాబ్ తాను ప్రారభించనున్న సర్కార్ 3పైనే మనసంతా పెట్టి పని చేస్తున్నాడట. అదీ సంగతి.

Like Us on Facebook : https://www.facebook.com/Tupakidotcom/