ఇటు బ్రూస్ లీ.. అటు వర్మ.. మధ్యలో ఆమె

రామ్ గోపాల్ వర్మ బ్రూస్ లీ కి ఎంత పెద్ద అభిమానో కొత్తగా చెప్పాల్సిన పని లేదు. తన ‘నా ఇష్టం’ సినిమాలో బ్రూస్ లీ గురించి పెద్ద వ్యాసమే రాశాడు. తన జీవితంపై బ్రూస్ లీ చూపించిన ప్రభావం గురించి చాలా చెప్పాడు. బ్రూస్ లీ లా అయిపోవాలని తాను మార్షల్ ఆర్ట్స్ లో చేరడం.. విన్యాసాలు చేయడం గురించి వివరించాడు. బ్రూస్ లీ తరహాలో పోజిచ్చిన ఫొటోను కూడా ఆ పుస్తకంలో పెట్టాడు. ఇప్పుడు బ్రూస్ లీ స్ఫూర్తితో సినిమా తీయడానికి కూడా రెడీ అయిపోయాడు.

రామ్ చరణ్ సినిమా ‘బ్రూస్ లీ’ వస్తున్న సమయంలోనే వర్మ తీస్తున్న లేడీ ‘బ్రూస్ లీ’ సినిమాకు సంబంధించి ఈ మధ్య రిలీజైన వీడియో సోషల్ మీడియాలో సెన్సేషన్ అవుతోంది. ఈ సినిమాలో లీడ్ రోల్ చేస్తున్న పూజ అనే అమ్మాయికి సంబంధించి రెండు రోజుల కిందట ట్విట్టర్ లో పెట్టిన ఫొటో స్టన్నింగ్ అంటే స్టన్నింగే. తాజాగా ఓ వైపు బ్రూస్ లీ మరోవైపు బ్రూస్ లీ లా ఉన్న వర్మ.. మధ్యలో లేడీ బ్రూస్ లీ పూజ ఫొటోల్ని కలిపి తయారు చేసిన ఓ పోస్టర్ ట్విట్టర్ లో పెట్టాడు వర్మ. అదిరిపోయింది కదూ ఆ పోస్టర్.