రామ్ కొత్త ప్రయోగం.. హిట్ డైరెక్టర్‌తో మిస్టరీ థ్రిల్లర్?

టాలీవుడ్ ఎనర్జిటిక్ స్టార్ రామ్ పోతినేని తన కెరీర్‌లో లవ్ డ్రామా, మాస్ కమర్షియల్ సినిమాలతో మంచి హిట్స్ అందుకున్న విషయం తెలిసిందే. ఇక ‘ఇస్మార్ట్ శంకర్’ లాంటి బ్లాక్‌బస్టర్ తర్వాత వరుసగా మాస్ సినిమాలతో ప్రయోగాలు చేశాడు. కానీ చివరి కొన్ని సినిమాలు ఆశించిన స్థాయిలో నిలవలేదు. అందుకే ఇప్పుడు కథల విషయంలో జాగ్రత్తలు తీసుకుంటున్నారని ఇండస్ట్రీలో టాక్ నడుస్తోంది.

ప్రస్తుతం రామ్ మిస్ శెట్టి మిస్టర్ పొలిశెట్టి తో హిట్ అందుకున్న మహేష్ బాబు దర్శకత్వంలో ఒక డిఫరెంట్ లవ్ డ్రామాలో నటిస్తున్నాడు. మళ్లీ తన లవ్ ఎనర్జీ చూపించబోతున్నారు. అదే సమయంలో మరో సినిమాకు గ్రీన్ సిగ్నల్ ఇచ్చారని సమాచారం. కొత్త దర్శకుడితో కాకుండా, ఇప్పటికే తన స్టైల్‌ను ప్రూవ్ చేసుకున్న టాలెంటెడ్ డైరెక్టర్ శైలేష్ కొలనుతో ఒక థ్రిల్లర్ ప్రాజెక్ట్ చేయాలని సితార ఎంటర్‌టైన్‌మెంట్స్ ఆలోచన చేస్తున్నట్లు టాక్.

ఇప్పటికే శైలేష్ కొలను ‘హిట్’ ఫ్రాంచైజీతో మంచి గుర్తింపు తెచ్చుకున్నారు. నాని హీరోగా ‘హిట్ 3’ తెరకెక్కిస్తుండగా, ఆ సినిమా తర్వాత రామ్‌తో థ్రిల్లర్ ప్రాజెక్ట్ చేయాలని సితార నిర్మాణ సంస్థ ప్రయత్నాలు చేస్తోంది. ఈ కథ పూర్తిగా కొత్తగా ఉండేలా ఉండబోతోందట. రామ్ ఇంతవరకు నటించిన సినిమాల కంటే ఇది పూర్తిగా డిఫరెంట్ జానర్‌లో ఉండబోతుందని టాలీవుడ్ వర్గాలు చెబుతున్నాయి.

ఇప్పటి వరకు రామ్ ఎక్కువగా యాక్షన్, రొమాంటిక్ కథలతో వచ్చారు. కానీ కథను ప్రధానంగా నడిపించే ఓ మిస్టరీ థ్రిల్లర్‌లో నటించడమే ఆయన కొత్త ప్రయోగమని చెప్పొచ్చు. ఈ సినిమాలో కథ కీలకమైనది, పాత్రలకు బలమైన స్కోప్ ఉంటుందని ఇండస్ట్రీలో టాక్ వినిపిస్తోంది. కథకు న్యాయం చేసేందుకు శైలేష్ ఇప్పటికే ఇదివరకే స్క్రిప్ట్ మొదలుపెట్టినట్లు టాక్.

ఈ ప్రాజెక్ట్ రూపం దాల్చితే, రామ్ కెరీర్‌లో ఇది ఒక డిఫరెంట్ హిట్ గా నిలవనుందనడంలో ఎలాంటి సందేహం లేదు. ప్రస్తుతం ఈ సినిమాకు సంబంధించిన అధికారిక ప్రకటన రాకపోయినా, సితార నాగవంశీ శైలేష్, రామ్ కాంబినేషన్‌ను సెటిల్ చేయడానికి చర్చలు జరుపుతున్నట్లు సమాచారం. అయితే, ఈ సినిమాపై రామ్ ఎలాంటి నిర్ణయం తీసుకుంటారో చూడాలి.

అలాగే రామ్ పోతినేని మరికొన్ని కథలపై కూడా చర్చలు జరుపుతున్నట్లు ఇటీవల కొన్ని కథనాలు వైరల్ అయ్యాయి. అందులో హరీష్ శంకర్ స్క్రిప్ట్ కూడా ఉన్నట్లు తెలుస్తోంది. అయితే దానిపై ఇంకా అఫీషియల్ క్లారిటీ రాలేదు. అలాగే దిల్ రాజు ప్రొడక్షన్ లో కూడా ఒక కొత్త దర్శకుడితో సినిమా చేయనున్నట్లు ఆ మధ్య టాక్ వచ్చింది. మరి ఈ కాంబినేషన్స్ పై రామ్ ఎప్పుడు క్లారిటీ ఇస్తారో చూడాలి.