అయోధ్య‌లో 'రామ్ సేతు' ప్రారంభం.. ఈ నెల 18నే ముహూర్తం!

బాలీవుడ్ స్టార్ హీరో అక్ష‌య్ కుమార్ మ‌రో ప్ర‌యోగాత్మ‌క చిత్రానికి శ్రీకారం చుట్టారు. హిందూ మైథాల‌జీలో రామాయ‌ణానికి ఎంత‌టి ప్ర‌త్యేక‌త ఉందో.. రామాయ‌ణంలోని రామసేతుకు సైతం అంత‌టి స్థానం ఉంది. లంక నుంచి సీతాదేవిని తిరిగి తీసుకురావ‌డానికి వాన‌ర సైన్యంతో క‌లిసి రాముడు రామ‌సేతు నిర్మించార‌ని ఆ ఇతిహాసం చెబుతోంది.

ఇప్పుడు ఇదే పేరుతో అక్ష‌య్ కుమార్ సినిమా తీస్తుండ‌డంతో స‌ర్వ‌త్రా ఆస‌క్తి నెల‌కొంది. గతేడాది దీపావళి సందర్భంగా ఈ మూవీని అనౌన్స్ చేసిన అక్షయ్.. ఈ సినిమాకు సంబంధించిన పోస్టర్ ను కూడా రిలీజ్ చేశారు. తాజాగా ప్రారంభోత్సవం డేట్ ను కూడా ప్రకటించారు.

'నిజమా లేక కల్పితమా?' అంటూ.. రిలీజ్ చేసిన ఈ మూవీ పోస్ట‌ర్లో హ్యాండ్ బ్యాగ్ త‌గి‌లించుకున్న అక్ష‌య్ మోడ్ర‌న్ గెట‌ప్ లో ఉన్నాడు. మెడ‌లో కాషాయ కండువాతో అన్వేష‌ణ‌కు బ‌య‌ల్దేరిన వ్య‌క్తిగా క‌నిపిస్తున్నాడు. అయితే.. వాస్త‌వంగా రామ‌సేతు నిర్మాణం ఇప్ప‌టికీ మిస్ట‌రీగానే ఉంది. హిందూ మ‌హాస‌ముద్రంలో ఉన్న ఈ రామ‌సేతు.. నిర్మించ‌బ‌డిందా? ప్ర‌కృతి సిద్ధంగా ఏర్ప‌డిందా? అనే విష‌య‌మై ఎవ‌రి అభిప్రాయం వారిదిగానే ఉంది.

అయితే.. 'మిత్ ఆర్ రియాలిటీ' అంటూ వచ్చిన సినిమా పోస్టర్ చూస్తే.. హీరో సత్యాణ్వేణలో ఉన్నట్టుగా కనిపిస్తోంది. అభిషేక్ శర్మ డైరెక్షన్లో తెరకెక్కుతున్న ఈ చిత్రాన్ని.. చంద్ర‌ప్ర‌కాశ్ ద్వివేదీ నిర్మిస్తున్నారు. ఈ చిత్రాన్ని ఈ నెల 18న రామ‌జ‌న్మ‌భూమి అయోధ్య‌లో ప్రారంభం కానుంది. ఈ చిత్రానికి సంబంధించిన పూర్తి వివ‌రాలు త్వ‌ర‌లో వెల్ల‌డికానున్నాయి.