శివగామి గ్యాంగ్ తో అయినా..

బాహుబలి సినిమా ఎంత పెద్ద విజయాన్ని అందుకుందో అందరికి తెలిసిందే. అంతే కాకుండా సినిమాలోని ప్రతి పాత్ర అందరికి గుర్తుండి పోయేలా రాజమౌళి తెరకెక్కించాడు. నటి నటులు ఆ అవకాశాన్ని చక్కగా వినియోగించుకొని కెరీర్ లో మర్చిపోలేని ఒక సైమండ్ లాంటి ఫెమ్ ను అందుకున్నారు. ప్రేక్షకులు ఇప్పటికి ఆ పాత్రలని గుర్తు చేసుకొని సరదాగా మాట్లాడుకుంటున్నారు అంటే చెప్పవచ్చు ఎంతగా మెప్పించారో.  ముఖ్యంగా కట్టప్ప - శివగామి పాత్రలను అయితే ఎవరు మర్చిపోరు.

శివగామిగా కనిపించిన రమ్య కృష్ణ ఇండస్ట్రీలో చాలా సినిమాల్లో హీరోయిన్ గా చేసింది. ప్రత్యేక పాత్రలను కూడా చాలానే చేసింది. కానీ ఒక్కసారిగా 20 ఏళ్ల సినీ ప్రస్థానంలోని తెచ్చుకొని ఇమేజ్ ను ఈ సినిమాతో తెచ్చుకుంది. జాతీయ స్థాయిలో హీరోకి దర్శకుడికి ఎటువంటి గుర్తింపు దక్కిందో ఆమెకు కూడా అదే స్థాయిలో ఓ లెవల్ ఇమేజ్ దక్కింది. అయితే ఆ తరువాత రమ్య కృష్ణకు చాలా ఆఫర్స్ వచ్చాయి. కొన్ని యాడ్స్ కూడా చేసింది. కట్టప్ప కూడా ఓ యాడ్ లో కనిపించడం చాలా స్పెషల్.

ఇక బాహుబలి తరువాత రమ్య కృష్ణ హలో సినిమాలో అలాగే బాలకృష్ణుడు సినిమాలో నటించింది. ఆ సినిమాల్లో రమ్యకృష్ణకు కథలో ప్రాధాన్యత ఉన్న రోల్స్ దక్కాయి. కానీ ఎక్కువగా సక్సెస్ కాలేకపోయాయి. బాహుబలి ఇచ్చిన రేంజ్ లో ఆ సినిమాలు ఇమేజ్ ని తీసుకురాలేదు. అంతే కాకుండా సినిమాలు కూడా అంతగా సక్సెస్ కాలేదు. ఇక ఫైనల్ గా ఇప్పుడు గ్యాంగ్ సినిమాతో ప్రేక్షకుల ముందుకు రాబోతోంది. ఆ సినిమాలో కూడా రమ్య కృష్ణ కీ రోల్ లో కనిపించనుంది. మరి ఆ సినిమా ఈ సీనియర్ నటికీ ఎంతవరకు ఉపయోగపడుతుందో చూడాలి.