రానా క్రేజీ ప్రాజెక్ట్ కి మోక్షం ఎప్ప‌టికి ల‌భించేనో!

నిత్యం కొత్త త‌ర‌హా క‌థ‌ల‌తో భారీ సినిమాల‌తో ప్రేక్ష‌కుల ముందుకు రావాల‌ని ప్ర‌య‌త్నించే హీరోల్లో ద‌గ్గుబాటి రానా ఒక‌రు. ప్ర‌స్తుతం ఇదే పంథాని అనుస‌రిస్తూ సినిమాలు చేస్తూ ముందుకు సాగుతున్నారాయ‌న‌. ఇటీవ‌ల రానా న‌టించిన `విరాట‌ప‌ర్వం` ఏడాది ఆల‌స్యంగా విడుద‌లై మంచి టాక్ ని సొంతం చేసుకున్నా బాక్సాఫీస్ వ‌ద్ద నిల‌బ‌డ‌లేక‌పోయింది. భారీ అంచ‌నాల‌తో వ‌చ్చిన ఈ మూవీ ఆశించిన స్థాయిలో ప్రేక్ష‌కుల్ని థియేట‌ర్ల‌కు ర‌ప్పించ‌లేక‌పోయింది.

ఇదిలా వుంటే ర‌`రుద్ర‌మ‌దేవి` మూవీ త‌రువాత‌ దాదాపు రెండేళ్ల క్రితం సీనియ‌ర్ డైరెక్ట‌ర్ గుణ‌శేఖ‌ర్ భారీ మైథ‌లాజిక‌ల్ మూవీ `హిర‌ణ్య‌క‌శ్య‌ప‌`ని ప్ర‌క‌టించారు. రానా కీల‌క పాత్ర‌లో ఈ భారీ చిత్రాన్ని సెట్స్ పైకి తీసుకురావాల‌ని ప్లాన్ చేశారు. ఇందు కోసం అమెరికాలో ప్రీ ప్రొడ‌క్ష‌న్ వ‌ర్క్ ని మొద‌లు పెట్టారు.

రెండేళ్లు ప్రీ ప్రొడ‌క్ష‌న్ వ‌ర్క్ కే కేటాయించారు. ఫైన‌ల్ గా వ‌ర్క్ పూర్త‌యింది. ఇక సెట్స్ పైకి వెళ్ల‌డ‌మే త‌రువాయి. అయితే స‌డ‌న్ గా పాండ‌మిక్ వ‌ల్ల ఈ భారీ ప్రాజెక్ట్ ని తాత్కాలికంగా హోల్డ్ లో పెడుతున్నామ‌ని స్వ‌యంగా ద‌ర్శ‌కుడు గుణ‌శేఖ‌ర్ ప్ర‌క‌టించారు.

ప్రీ ప్రొడ‌క్ష‌న్ వ‌ర్క్ పూర్త‌యింద‌ని, మాసీవ్ స్కేల్ లో ఈ మూవీని సెట్స్ పైకి త్వ‌ర‌లోనే తీసుకొస్తామ‌ని, అ మూవీకంటే ముందు మ‌రో చిత్రాన్ని పూర్తి చేస్తాన‌ని ప్ర‌క‌టించారు. అన్న‌ట్టుగానే `శాకుంత‌లం` ప్రాజెక్ట్ ని ప్ర‌క‌టించి స‌మంత టైటిల్ పాత్ర‌లో భారీ బ‌డ్జెట్ తో దిల్ రాజు అండ‌తో  మొత్తానికి పూర్తి చేశారు. ప్ర‌స్తుతం ఈ మూవీకి సంబంధించిన పోస్ట్ ప్రొడ‌క్ష‌న్ వ‌ర్క్ తో పాటు గ్రాఫిక్స్ వ‌ర్క్ జ‌రుగుతోంది. రిలీజ్ ఎప్పుడ‌న్న‌ది ఇంకా మేక‌ర్స్ ప్ర‌క‌టించ‌లేదు.

ఈ మూవీ త‌రువాత `హిర‌ణ్య‌క‌శ్య‌ప‌`ని ప్రారంభిస్తామ‌ని చెప్పిన గుణ‌శేఖ‌ర్ ఆ మాట ప్ర‌కారం ఈ ప్రాజెక్ట్ ని ప్ర‌క‌టిస్తారా? అన్న‌ది ఇప్ప‌డు ప‌లు అనుమానాల్ని రేకెత్తిస్తోంది. ఈ ప్రాజెక్ట్ ని గుణ‌శేఖ‌ర్ ప‌క్క‌న పెట్టి `శాకుంత‌లం`ని సెట్స్ పైకి తీసుకెళ్ల‌డానికి కార‌ణం పాండ‌మిక్ కాద‌ని, సురేష్ బాబు అని వార్త‌లు వ‌నిపిస్తున్నాయి. గుణ‌శేక‌ర్ సిద్ధం చేసిన స్క్రిప్ట్ లో సురేష్ బాబు మార్పులు చెప్పార‌ని, అయితే ఆ మార్పులకు గుణ‌శేఖ‌ర్ అంగీక‌రించ‌క‌పోవ‌డం వ‌ల్లే ఈ ప్రాజెక్ట్ ని హోల్డ్ లో పెట్టార‌ని తెలుస్తోంది.  

సురేష్ ప్రొడ‌క్ష‌న్స్ పై డి. సురేష్ బాబు భారీ స్థాయిలో హాలీవుడ్ టెక్నీషియ‌న్స్‌ తో నిర్మించాల‌ని ప్లాన్ చేసిన ఈ మూవీ ఇప్ప‌టికైనా సెట్స్ పైకి వెళుతుందా? .. గుణ‌శేఖ‌ర్ `శాకుంత‌లం` రిలీజ్ త‌రువాతైనా `హిర‌ణ్య‌క‌శ్య‌ప‌` ప్రాజెక్ట్ కు మోక్షం ల‌భిస్తుందా? అని అంతా ఎదురుచూస్తున్నారు. ప్ర‌స్తుతం పాన్ ఇండియా సినిమాల‌కు, లార్జ‌ర్ దెన్ మూవీస్ కి మంచి మార్కెట్ ఏర్ప‌డిన నేప‌థ్యంలో సురేష్ బాబు, గుణ‌శేఖ‌ర్ ఈ ప్రాజెక్ట్ విష‌యంలో వెన‌క్కి వెళ్ల‌ర‌ని ఖ‌చ్చితంగా సెట్స్ పైకి తీసుకొస్తార‌ని ఇండ‌స్ట్రీ వ‌ర్గాలు అంటున్నాయి.