ఎవ‌రీ సూప‌ర్ ఎన‌ర్జ‌టిక్ హ‌ల్క్ బోయ్!

బాలీవుడ్ లోనే అత్యంత ఎన‌ర్జిటిక్ హీరోగా పేరు తెచ్చుకున్నాడు ర‌ణ‌వీర్ సింగ్. స‌ల్మాన్ ఖాన్.. అక్ష‌య్ కుమార్... జాన్ అబ్ర‌హాం లాంటి సింహ‌బలులు ఉన్న ప‌రిశ్ర‌మ‌లో ర‌ణ‌వీర్ సింగ్ కూడా త‌న‌దైన ప్ర‌త్యేక‌త‌ను చాటుకుంటున్నాడు. ఎంచుకున్న క‌థాంశానికి త‌గ్గ‌ట్టు రూపాన్ని ఆహార్యాన్ని మార్చుకుంటూ ఈ కండ‌ల హీరో చాలానే మ్యాజిక్ చేస్తున్నాడు. రామ్ లీలా.. ప‌ద్మావ‌త్ చిత్రాల్లో ర‌ణ‌వీర్ రూపానికి గల్లీ బోయ్ లో ర‌ణ‌వీర్ రూపానికి ఉన్న వైవిధ్యం తెలిసిన‌దే. రాబోవు 83 మూవీలో క‌పిల్ దేవ్ నే త‌ల‌పించే లుక్ తో క‌నిపించ‌బోతున్నాడు. అందుకోసం ఎంతో హార్డ్ వ‌ర్క్ చేశాడు. లుక్ ని మార్చాడు.

తాజాగా ర‌ణ‌వీర్ లేటెస్ట్ లుక్ ఒక‌టి అంత‌ర్జాలంలో రివీలైంది. ఈ ఫోటోలో మునుప‌టితో పోలిస్తే మ‌రింత‌గా హ‌ల్క్ గెట‌ప్ తో క‌నిపిస్తున్నాడు. దేహ‌దారుఢ్యం అంత‌కంత‌కు రెట్టింప‌వుతోంది. షోల్డ‌ర్ బైసెప్ ట్రైసెప్ ప్ర‌తిదీ మారిపోయాయి. చూస్తుంటే 83 కాకుండా  సుల్తాన్ (స‌ల్మాన్ హీరో) రేంజులో ఉండే ఇంకేదైనా స్పోర్ట్స్ బ‌యోపిక్ కి సంత‌కం చేశాడా? అన్న సందేహం క‌ల‌గ‌క మాన‌దు. సూపర్ టాలెంటెడ్ హీరో మునుపెన్నడూ లేని విధంగా హంక్ గెటప్ కి మార‌డం ఆశ్చ‌ర్యం క‌లిగిస్తోందంటూ అభిమానులు కామెంట్లు చేస్తున్నారు.

ఇదంతా స్వీయ‌నిర్భంధ స‌మ‌యంలో పెంచిన బాడీనే.  ఇన్ స్టా‌లో ఫోటోతో పాటు ఆస‌క్తిక‌ర కొటేష‌న్ ని పెట్టాడు. ``ఫెల్ స్వోల్.. తర్వాత తొలగించవచ్చు`` అని పోస్ట్ చేశాడు. ఈ ఫోటోకి ఫ్యాన్స్ స్పంద‌న బావుంది.  రణవీర్ సూపర్-ఫ్లెక్సిబుల్ హంక్ గై అంటూ పొగిడేస్తున్నారు కొంద‌రైతే. మ‌రో కండ‌ల హీరో కం కొలీగ్ టైగర్ ష్రాఫ్ ఏకంగా ఫైర్ ఎమోజీలను షేర్ చేశాడు.