ఆ హీరో అర్జున్ రెడ్డిని చూస్తున్నాడు

టాలీవుడ్ లో చాలా రోజుల తర్వాత ఒక సినిమా నలుగురు నాలుగు రాకలుగా మాట్లాడుకునేటట్లు చేసిన సినిమా అంటే అర్జున్ రెడ్డి. సినిమా కంటెంట్ తో టాలీవుడ్ రూపు రేఖలను మార్చేసి కొత్త అర్దాన్ని చెప్పిన నవ యువ దర్శకుడు సందీప్ వంగ ఒక్క సినిమాతోనే ప్రముఖుల ప్రశంసలను అందుకున్నాడు. సినిమా టాలీవుడ్ ప్రేక్షకులకు తెగ నచ్చేయడంతో పరభాషా నటీనటులు కూడా వారి అభిమానులకు ఈ టెస్ట్ ను చూపించేందుకు అర్జున్ రెడ్డి కథను రీమేక్ చేయడానికి సిద్ధమవుతున్నారు.

ఇప్పటికే కోలీవుడ్ హీరో ధనుష్ కథను సొంతం చేసుకున్న సంగతి తెలిసిందే. అయితే బాలీవుడ్ లో రన్ వీర్ సింగ్ అర్జున్ రెడ్డిపై మనసు పారేసుకున్నాడని ఆల్రెడీ టాక్ వచ్చింది. టాలీవుడ్ నుంచి వస్తున్న రెస్పాన్స్ మరియు రివ్యూస్ ని చూసి ఆ హీరో సినిమాను చూడటానికి రెడీ అయ్యాడట. ప్రముఖ ఏషియన్ డిస్ర్టిబ్యూషన్ అధినేత సునీల్ నారంగ్ ను సినిమా చూడటానికి స్పెషల్ షో వేయమన్నాడట ఈ బాలీవుడ్ హీరో. ఒకవేళ సినిమా నచ్చితే మాత్రం వెంటనే సినిమాను మొదలెట్టేద్దాం అని కూడా చెప్పాడట.

ఒక వేళ సినిమా తెరకెక్కించడానికి రెడీ అయితే మాత్రం అర్జున్ రెడ్డి దర్శకుడే హిందీ అర్జున్ రెడ్డిని కూడా తెరకెక్కిస్తాడని తెలుస్తోంది. ఎందుకంటే ఆ సినిమాలో ఎమోషన్ ప్రధాన ఆకర్షణగా నిలిచింది. రొమాన్స్ సీన్స్ కూడా బాగా వచ్చాయి. అలాంటి కథకు ఒరిజినల్ దర్శకుడైతేనే కరెక్ట్ గా సెట్ అవుతుందని అందరి ఫీలింగ్. మొత్తానికి రన్ వీర్ సినిమా చూశాక తన నిర్ణయాన్ని చెప్పేస్తాడట. ఈ స్పెషల్ షోకి మరికొంతమంది బాలీవుడ్ ప్రముఖులు కూడా హాజరు కాబోతున్నారు. చూద్దాం ఏం చెబుతారో.