ఫైనల్ గా ఫ్యాన్స్ కోరిక తీరింది..!

కన్నడ హీరోయిన్ రష్మిక మందన్న తెలుగులో ఎంట్రీ ఇచ్చి వరసగా రెండు హిట్లతో భారీ ఫ్యాన్ ఫాలోయింగ్ సంపాదించుకుంది. ముఖ్యంగా విజయ్ దేవరకొండ తో నటించిన 'గీత గోవిందం' బ్లాక్ బస్టర్ విజయం సాధించడంతో యూత్ కు ఫేవరేట్ హీరోయిన్ గా మారింది. 'గీత గోవిందం' తమిళనాడులో కూడా రిలీజ్ కావడంతో  ఆమెకు తమిళంలో కూడా ఫ్యాన్స్ ఏర్పడ్డారు. చాలామంది ఇప్పటికే ఆమెను ఎప్పుడు కోలీవుడ్ ఎంట్రీ ఇస్తారని ప్రశ్నిస్తూ ఉన్నారు.

ఫైనల్ గా ఆ సమయం వచ్చేసింది.  తమిళ హీరో కార్తి నెక్స్ట్ సినిమాలో రష్మిక మందన్న హీరోయిన్ గా ఎంపికయింది.  శివకార్తికేయన్ హీరోగా 'రెమో' అనే సినిమాను తెరకెక్కించిన భాగ్యరాజ్ కన్నన్ ఈ సినిమాకు దర్శకుడు.  రొమాంటిక్ కామెడీ జోనర్ లో తెరకెక్కనున్న ఈ చిత్రాన్ని డ్రీమ్ వారియర్ పిక్చర్స్ వారు నిర్మిస్తారు.  రీసెంట్ గా 'దేవ్' లో రకుల్ ప్రీత్ తో రొమాన్స్ చేసిన కార్తి ఇప్పుడు రష్మిక తో రొమాన్స్ చేసేందుకు రెడీ అవుతున్నాడు.

రష్మిక కోలీవుడ్ ప్రాజెక్ట్ ఫైనలైజ్ కావడంతో తమిళఅభిమానులు ఫుల్ జోష్ లో ఉన్నారు. నిజానికి 'గీత గోవిందం' రిలీజ్ అయిన కొత్తల్లో రష్మిక కు  తమిళ స్టార్ హీరో విజయ్ సినిమాలో హీరోయిన్ గా ఛాన్స్ వచ్చిందని వార్తలు వచ్చినప్పుడు రష్మిక తన ట్విట్టర్ ఖాతా ద్వారా అవి రూమర్లు అని.. తనకూ తమిళ సినిమా చేయాలనీ ఉందని.. మీ ఫేవరేట్ హీరోలుకు నన్ను రికమెండ్ చేయండి..అని కోరింది.  అది గుర్తుచేసుకుంటే  కార్తి ఫ్యాన్స్ రష్మిక పేరును గట్టిగా సిఫార్సు చేసినట్టున్నారని అనిపించడం లేదూ?