బ‌ర్త్ డే పోస్ట‌ర్: చీర‌క‌ట్టు చిరున‌వ్వుతో మురిపించే `ఆడవాళ్లు మీకు జోహార్లు`

శ‌ర్వానంద్- ర‌ష్మిక జంట‌గా న‌టిస్తున్న సినిమా `ఆడవాళ్లు మీకు జోహార్లు`. నేను శైల‌జ .. చిత్ర‌ల‌హ‌రి.. రెడ్ వంటి చిత్రాల్ని తెర‌కెక్కించిన కిషోర్ తిరుమ‌ల ద‌ర్శ‌క‌త్వం వ‌హిస్తున్నారు. శ్రీ ల‌క్ష్మీ వెంక‌టేశ్వ‌ర సినిమాస్ ప‌తాకంపై సుధాక‌ర్ చెరుకూరి నిర్మిస్తున్నారు. ఇటీవ‌ల‌ శర్వానంద్ పుట్టినరోజు సందర్భంగా టీమ్ శుభాకాంక్ష‌ల పోస్ట‌ర్ ని రిలీజ్ చేసిన సంగ‌తి తెలిసిందే.

తాజాగా క‌థానాయిక ర‌ష్మిక మంద‌న పోస్ట‌ర్ ని టీమ్ రిలీజ్ చేసింది. నేడు ర‌ష్మిక బ‌ర్త్ డే సంద‌ర్భంగా చిత్ర‌బృందం త‌మ కథానాయిక‌కు శుభాకాంక్ష‌లు తెలిపింది. ఈ ఫోటోలో చీర‌క‌ట్టుతో రష్మిక ఎంతో సాంద‌ప్ర‌దాయ‌బ‌ద్ధంగా క‌నిపిస్తున్నారు. ప‌చ్చ‌ద‌నం నిండిన‌ ఫామాయిల్ తోట నేప‌థ్యంలో ర‌ష్మిక చిరున‌వ్వులు చిందిస్తూ చేతిలో బంతిపూవు‌ను ప‌ట్టుకుని ఎంతో మ‌నోహ‌రంగా క‌నిపిస్తున్నారు. ప్ర‌స్తుతం ఈ ఫోటో అభిమానుల్లో వైర‌ల్ అవుతోంది. చీర‌క‌ట్టు చిరున‌వ్వుతో మురిపించే `ఆడవాళ్లు మీకు జోహార్లు` అంటూ ప్ర‌శంస‌లు కురుస్తున్నాయి.

ఓవైపు అమితాబ్ .. సిద్ధార్థ్ మ‌ల్హోత్రా లాంటి స్టార్ల‌తో బాలీవుడ్ లో అడుగుపెడుతున్న ర‌ష్మిక‌.. టాలీవుడ్ లో బ‌న్ని స‌ర‌స‌న పుష్ప చిత్రంలో న‌టిస్తున్నారు. శ‌ర్వా స‌ర‌స‌న ఆడాళ్లు మీకు జోహార్లు చిత్రంలో ఆహ్లాదాన్ని పంచే పాత్ర‌లో న‌టిస్తున్నారని తాజా పోస్ట‌ర్ చెబుతోంది. ఆడాళ్లు మీకు జోహార్లు చిత్రానికి ర‌ష్మిక అంద‌చందాలు న‌ట‌ప్ర‌తిభ పెద్ద అస్సెట్ కానున్నాయ‌ని చిత్ర‌బృందం భావిస్తోంది. ర‌ష్మిక ఇప్ప‌టికే బాలీవుడ్ లో న‌టిస్తున్నారు కాబ‌ట్టి ఈ చిత్రానికి అనువాద హ‌క్కుల ప‌రంగా క్రేజు పెరుగుతుంద‌న‌డంలో సందేహ‌మేం లేదు.