ఒకటే కాలేదు.. అప్పుడే రెండో మూవీకి సైన్ చేసిందా.. రష్మిక??

ఈ మధ్య బాలీవుడ్ ఇండస్ట్రీ వైపు వెళ్ళడానికి సౌత్ హీరోయిన్లు బాగానే రెడీ అవుతున్నారు. ఇదివరకు బాలీవుడ్ అంటే ఆమ్మో.. అక్కడికి వెళ్తే నిర్మొహమాటంగా గ్లామర్ షో చేయాలి, ముద్దు సన్నివేశాలలో, బికినీ సన్నివేశాలలో నటించాలి. అవసరమైతే బెడ్ సీన్స్ లోను నటించాలని వెనకడుగు వేసేవారు. ఇప్పుడు అన్ని ఇండస్ట్రీలలో గ్లామర్ షో, ముద్దు సన్నివేశాలు మాములు అయిపోవడంతో సౌత్ హీరోయిన్స్ బాలీవుడ్ వైపు వెళ్లేందుకు ఉత్సాహంగా ఉన్నారు. అందులో ఒకరే కన్నడ భామ రష్మిక మందన. ప్రస్తుతం ఈ భామ చేతినిండా సినిమాలు ఉన్నాయట. అసలు ఖాళీ ఉండటానికి టైం లేదని అంటూనే.. వరుసగా ప్రాజెక్ట్స్ ఓకే చేస్తోంది భామ.

తాజాగా రష్మిక మరో బాలీవుడ్ సినిమాకి ఓకే చేసినట్లు సమాచారం. ఈ వార్తతో రష్మిక ఫ్యాన్స్ ఫుల్ ఖుషి అవుతున్నారు. ఇటీవలే సిద్దార్థ్ మల్హోత్రా సరసన 'మిషన్ మజ్ను' సినిమాకు సంతకం చేసిన రష్మిక, తాజాగా అమితాబ్ బచ్చన్ సినిమాకి సంతకం చేసిందని టాక్. టాలెంటెడ్ డైరెక్టర్ వికాస్ బల్ దర్శకత్వంలో తెరకెక్కనున్న ఈ సినిమా కోసం ఈ కుర్రభామ తెగ ఆరాట పడుతుందట. డెడ్లీ అనే పేరుతో రూపొందించునున్న ఈ సినిమా కథ ఒక తండ్రి - కూతురు మధ్య తిరుగుతుందని సమాచారం. ఎన్నో ఎమోషనల్ అంశాలతో ఈ సినిమాను తీయనున్నారట. 2021 మార్చి నెలలో షూటింగ్ ప్రారంభం కానున్న ఈ సినిమాను రిలయన్స్ సంస్థ నిర్మించనున్నట్లు వినికిడి. ప్రస్తుతం ఈ వార్త నెట్టింట వైరల్ అవుతోంది. ఇదే వార్త నిజమైతే రష్మిక బాలీవుడ్ లో కూడా తన పాగా వేయనుందని అర్ధమవుతుంది.