ఫోకస్ అంతా బన్నీ సినిమా మీదే పెట్టిందటగా!

ప్రస్తుతం టాలీవుడ్ లో స్టార్ హీరోలతో నటించే హీరోయిన్ల లిస్టు తీస్తే ఎక్కువ ఛాయిస్ లేదు. అయితే పూజా హెగ్డే.. కాకపోతే రష్మిక అన్నట్టుగా ఉంది.  దానికి తగ్గట్టే ఇద్దరూ ప్రస్తుతం  సెట్స్ మీద ఉన్న క్రేజీ ప్రాజెక్టులలో హీరోయిన్లుగా నటిస్తున్నారు.  రష్మిక విషయం తీసుకుంటే అల్లు అర్జున్- సుకుమార్ కాంబినేషన్లో తెరకెక్కుతున్న సినిమాలో హీరోయిన్ గా నటిస్తోంది.

అయితే ఈ సినిమా తప్ప రష్మిక మరో సినిమాకు గ్రీన్ సిగ్నల్ ఇవ్వలేదు.  రష్మిక లాస్ట్ సినిమా 'భీష్మ' హిట్ గా నిలిచినప్పటికీ తనకు ప్రేక్షకుల్లో పెద్దగా క్రేజ్ లేదని.. సేలబుల్ కాదని డిస్ట్రిబ్యూటర్లలో ఒక టాక్ ఉందట.  'సరిలేరు నీకెవ్వరు' సినిమాకు రష్మిక సెట్ కాలేదని.. సినిమాకు మైనస్ గా మారిందనే అభిప్రాయాలు వినిపించాయి.  ఈ విషయం తెలిసిందేమో కానీ రష్మిక కూడా సినిమాలను ఎంతో జాగ్రత్తగా ఎంపిక చేసుకోవాలనే ఆలోచనలో ఉందట. అందుకే ఏ సినిమాలను పడితే ఆ సినిమాలకు 'యస్' చెప్పడం లేదట.

ఏదేమైనా రష్మిక చేతిలో ప్రస్తుతం నటిస్తున్నది అల్లు అర్జున్-సుకుమార్ సినిమాలో మాత్రమే. ఇది క్రేజీ ప్రాజెక్టు అనడంలో సందేహం లేదు కానీ ఈ సినిమా తర్వాత ఏ సినిమాకు గ్రీన్ సిగ్నల్ ఇస్తుందన్నది ఆసక్తికరం.