రాధేశ్యామ్ వాయిదాకు కారణం ఇదేనట..!

డార్లింగ్ ప్రభాస్ ఇప్పుడు టాలీవుడ్ హీరో కాదు. దేశవ్యాప్తంగా ఫ్యాన్ బేస్ కలిగిన పాన్ ఇండియా స్టార్. బాహుబలి సిరీస్ తర్వాత ప్రభాస్ టాలీవుడ్ స్టార్ నుండి పాన్ ఇండియా స్టార్ అయిపోయాడు. ప్రస్తుతం ప్రభాస్ చేతిలో అన్ని పాన్ ఇండియా సినిమాలే ఉన్నాయి. అందులో ముందుగా రాధేశ్యామ్ ప్రేక్షకుల ముందుకు రాబోతుంది. నిజానికి గతేడాది విడుదల కావాల్సిన ఈ సినిమా కరోనా కారణంగా వాయిదా పడుతూ మొత్తానికి ఈ ఏడాది జులై 30 రిలీజ్ అవుతున్నట్లు అనౌన్స్ మెంట్ వచ్చేసింది. అంతా బాగానే ఉందని అనుకుంటున్న నేపథ్యంలో మళ్లీ కరోనా సెకండ్ వేవ్ ముంచుకొచ్చింది. అంతే ఎక్కడి సినిమాలు అక్కడే అలాగే నిలిచిపోయాయి.

విడుదలకు సిద్ధమైన సినిమాలు వాయిదా పడ్డాయి. స్టార్స్ నుండి అప్ కమింగ్ హీరోల వరకు అందరూ సినిమా షూటింగ్స్ ఆపేసి ఇళ్లకు చేరుకున్నారు. ఇదిలా ఉండగా.. ప్రభాస్ ప్రస్తుతం సలార్ సినిమాతో పాటు ఆదిపురుష్ సినిమా చేస్తున్నాడు. అయితే రాధేశ్యామ్ షూట్ కొంచం బాలన్స్ ఉండటంతో అది కాస్తా ఫినిష్ చేసి వెళదామని ముంబై నుండి హైదరాబాద్ వచ్చాడు ప్రభాస్. కానీ ఇక్కడికి వచ్చాక షూటింగ్ ఆపేయాల్సి వచ్చిందట. ఎందుకంటే ప్రభాస్ మేకప్ మ్యాన్ కరోనా బారినపడటమే కారణమని టాక్. కానీ నిన్నటి వరకు హీరోయిన్ పూజాహెగ్డే కారణంగా షూటింగ్ షెడ్యూల్ ఆగిందని కథనాలు వచ్చాయి. అయితే తాజాగా అందులో వాస్తవం లేదని ప్రభాస్ వింటేజ్ లుక్ కోసం ఖచ్చితంగా అదే మేకప్ మెన్ కావాలని మేకర్స్ షూటింగ్ వాయిదా వేశారని సమాచారం. ఈ సినిమాను రాధాకృష్ణకుమార్ డైరెక్ట్ చేస్తుండగా.. యూవి క్రియేషన్స్ వారు భారీ బడ్జెట్ తో నిర్మిస్తున్నారు.