ఇమేజిన్ పేరుతో నాన్ వెజ్ లాంటి ఫుడ్ అందించనున్న స్టార్ కపుల్!!

ఫిల్మ్ ఇండస్ట్రీలో కొందరు స్టార్ కపుల్స్ వేరే కపుల్స్ కి, అభిమానులకు ఆదర్శంగా నిలిచే పనులు చేస్తుంటారు. జీవితంలో వాళ్లు తీసుకునే నిర్ణయాలే వారిని ఆదర్శ దంపతులుగా నిలబెడతాయి. అలాంటి దంపతులలో ఒకరుగా మారుతున్నారు హీరోయిన్ జెనీలియా, రితేష్ దేశముఖ్ కపుల్. ఇటీవలే అంతర్జాతీయ డాక్ట‌ర్స్ డే సంద‌ర్భంగా జెనీలియా, రితేష్ దంపతులు తమ అవయవాలను దానం చేయనున్నట్లు కీలక ప్రకటన చేశారు. ఇక తాజాగా మరో కీలక నిర్ణయం తీసుకున్నారు. కాకపోతే ఇదొక కొత్త వ్యాపారానికి సంబంధించినది. ఇదివరకే జెనీలియా, రితేష్ పూర్తి వెజిటేరియన్లుగా మారిన సంగతి తెలిసిందే. నాన్ వెజ్ మానేయాలని అనుకునే వారికి వీరి కొత్త వ్యాపారం చాలా మంచి పరిష్కారం. నాన్ వెజ్ అలవాటు పడిన వారికి శాకాహారంతో కడుపు నిండదు. అందుకే జెనీలియా ఆమె భర్త కలిసి ఒక ఫుడ్ బిజినెస్ స్టార్ట్ చేయబోతున్నారు.

ఇమాజిన్ మీట్స్ అనే పేరుతో మొక్కల ఆధారంగా మాంసం ఆహారాలను తయారు చేసే సంస్ధతో చేతులు కలిపినట్లు తెలుస్తోంది. వాటి వాసన, రుచి కూడా మాంసం మన ముందు ఉందనే భావన కలిగిస్తాయట. అలాంటి ఫుడ్ బిజినెస్ స్టార్ట్ చేయబోతున్నట్లు సోషల్ మీడియా వేదికగా జెనీలియా దంపతులు ప్రకటించారు. త్వరలోనే పూర్తి వివరాలను అందిస్తామని తెలిపారు. ఇక ఇదిలా ఉండగా.. హీరోయిన్లు కెరీర్ పీక్స్ లో ఉండగానే పెళ్లి చేసుకొని కెరీర్ ముగించారు. ఆ తరువాత క్యారెక్టర్ ఆర్టిస్టుగా నటించేందుకు సిద్దమై సెకండ్ ఇన్నింగ్స్‌ను ప్రారంభించారు. ఇక అదే సెకండ్ ఇన్నింగ్స్ తో తమ కెరీర్‌ను పట్టాలెక్కించేందుకు రెడీ అవుతున్నారు. ఈ నేపథ్యంలో తెలుగులో వరుస సినిమాలు చేసి స్టార్ హీరోయిన్ స్టేటస్ పొందింది జెనీలియా. తెలుగులో తనకంటూ ఓ ప్రత్యేక ఇమేజ్‌ క్రియేట్ చేసుకున్న ఈ భామ మరి త్వరలో సినీ ఎంట్రీ ఇవ్వనున్నట్లు ఇండస్ట్రీ టాక్. చూడాలి మరి జెనీలియా మనసులో ఏముందో..!