రౌడీ హీరో సీక్రెట్....సామ్ రివీల్ చేసిందా?

కరోనా పుణ్యమా అంటూ ఓటీటీలకు విపరీతమైన పాపులారిటీ వచ్చింది. కొత్త కంటెంట్, సరికొత్త సినిమాలతో తమ సబ్ స్క్రైబర్లను ఆకట్టుకునేందుకు అమెజాన్ ప్రైమ్ వీడియో, నెట్ ఫ్లిక్స్, జీ5 వంటి ఓటీటీ ప్లాట్ ఫాంలు భారీగా ఖర్చు పెడుతున్నాయి. ఇక, ఓటీటీ రేసులో లేటెస్ట్ గా వచ్చిన అచ్చ తెలుగు ఓటీటీ ‘అహా’ కూడా అదిరిపోయే కంటెంట్ తో తెలుగు ప్రేక్షకులను ఆకట్టుకుంటోంది. ఈ క్రమంలోనే నవంబరు 13 నుంచి టాలీవుడ్ స్టార్ హీరోయిన్ అక్కినేని సమంత హోస్ట్ గా ‘సామ్ జామ్’ అనే షోను ‘అహా’ స్టార్ట్ చేయనుంది. ఈ షో తొలి ఎపిసోడ్ లో గెస్ట్ గా రౌడీ హీరో విజయ్ దేవరకొండ రాబోతున్నాడంటూ రిలీజైన ప్రొమో వైరల్ అయింది. 'సామ్ జామ్' ప్రొమోలో విజయ్ దేవరకొండను ఇరకాటంలో పెట్టే ప్రశ్నలడిగింది సామ్. ఎంతో ఎనర్జిటిక్ గా షోను హోస్ట్ చేసిన సామ్....అంతే ఎనర్జిటిక్ గా ఎంటర్ టైన్ చేసిన రౌడీ హీరో కలిసి ఫస్ట్ ఎపిసోడ్ లో హంగామా చేశారు.


దొరికిందే చాన్స్ అని...విజయ్ ని సరదా ప్రశ్నలతో ఉక్కిరి బిక్కిరి చేసింది సమంత. అంతేకాదు, రౌడీ హీరో పర్సనల్ సీక్రెట్లు రాబట్టాలని కూడా ట్రై చేసింది సామ్. ఇటీవల యూరోప్ ట్రిప్ వెళ్లిన విజయ్ దేవరకొండ...అక్కడ ఎవరినీ హగ్ చేసుకోలేదా అంటూ టీజ్ చేసింది సామ్. 'సచ్ ఎ నాటీ' అంటూ సామ్ కు సమాధానమిచ్చాడు రౌడీ హీరో. షోలో భాగంగా రెబల్, సింగిల్ అని రాసి ఉన్న గ్లాస్ బోర్డ్స్ ను పగలగొడుతూ ప్రస్తుతానికి తాను సింగిల్ అంటూ స్టేట్ మెంట్ ఇచ్చాడు మన రౌడీ హీరో. ఓ పక్క సామ్....మరో పక్క విజయ్ దేవరకొండ...మధ్యలో వైవా హర్షాలతో రిలీజైన ప్రోమోనే ఆకట్టుకుంది. దీంతో, సామ్ జామ్ షోను చూసేందుకు ఆడియన్స్ ఎంతో ఆసక్తిగా ఎదురుచూస్తున్నారు.