అప్డేట్ అంటే అలెర్ట్ ప్రకటించిన ఆర్ఆర్ఆర్.. అందుకేనా??

పాన్ ఇండియా మూవీ ఆర్ఆర్ఆర్ నుండి ఎప్పుడు ఎలాంటి అప్డేట్స్ వస్తాయో ఎవరూ ఎక్సపెక్ట్ చేయలేరు. ఎందుకంటే అప్డేట్స్ వస్తే మాత్రం రాజమౌళి సినిమాలాగే గ్రాండ్ గానే ఉంటాయి. ఇప్పుడున్న ట్రెండ్ ప్రకారం.. ఎవరు ఎలాంటి సినిమా తీసినా ఆ సినిమాలో ఎవరి పుట్టినరోజు ఉన్నా ఓ అప్డేట్ ఇవ్వాల్సిన పరిస్థితి ఏర్పడింది. అందులోను హీరోల పుట్టినరోజులైతే ఖచ్చితంగా ఫస్ట్ లుక్ లేదా టీజర్ లాంటివి ఎక్సపెక్ట్ చేస్తుంటారు ప్రేక్షకులు. ఇదివరకు సోషల్ మీడియా పెద్దగా అందుబాటులో లేదు కాబట్టి అప్పట్లో అప్డేట్స్ గురించి పట్టించుకునేవారు కాదు. అలాగే ఎప్పుడో పేపర్లో లేదా గోడమీద పోస్టర్స్, టీవీ యాడ్స్ చూసి అప్డేట్స్ తెలుసుకునేవారు. కానీ ఇప్పుడు అలాంటి పరిస్థితి లేదు. పూర్తిగా సోషల్ మీడియాపై ఆధారపడి బ్రతుకుతున్నారు మేకర్స్ అండ్ ఆడియన్స్.

రేపు ఆర్ఆర్ఆర్ యాక్టర్ అజయ్ దేవగన్ పుట్టినరోజు సందర్బంగా రాజమౌళి బృందం నుండి ఏదైనా అప్డేట్ ఉంటుందని ఎక్సపెక్ట్ చేస్తున్నారు ఫ్యాన్స్. పాన్ ఇండియా సినిమాగా తెరకెక్కుతున్న ఈ సినిమాలో అజయ్ దేవగన్ కీలకపాత్ర పోషిస్తున్నాడు. మరి ఆయన క్యారెక్టర్ కు సంబంధించి ఫస్ట్ లుక్ లాంటిది అంచనా వేస్తున్నారు. కానీ అప్డేట్స్ గురించి మాట్లాడకుండా ఆర్ఆర్ఆర్ టీమ్.. 'ఎండలు మండుతున్నాయి జాగ్రత్తగా ఉండండి.. నీళ్లు బాగా తాగి ఆరోగ్యంగా ఉండండి' అంటూ అలెర్ట్ ప్రకటించింది. ప్రస్తుతం ఆ ప్రకటన చూసి సినీ ప్రేక్షకులు సంధిగ్ధంలో పడిపోయారు. ఇంతకీ అజయ్ దేవగన్ అప్డేట్ ఉన్నట్లా లేనట్లా తెలియాల్సి ఉంది. డివివి దానయ్య నిర్మిస్తున్న ఈ సినిమాలో ఎన్టీఆర్, రాంచరణ్ హీరోలుగా నటిస్తున్నారు. ఈ సినిమా అక్టోబర్ 13న విడుదల కాబోతుంది. చూడాలి మరి ఎలాంటి అప్డేట్ రానుందో!