నాగ్ ని ఎవరు కలవలేదు

నవమన్మధుడు అక్కినేని నాగార్జున ఎంత రొమాంటిక్ గా కనిపించినా రూమర్స్ మాత్రం క్రియేట్ కాకుండా చాలా జాగ్రత్తగా ఉంటాడు. ఎక్కువగా వివాదాల జోలికి వెళ్లకుండా తన బిజినెస్ వ్యవహారాలను జాగ్రత్తగా చూసుకుంటూ తన పని తాను చేసుకుంటూ వెళుతున్నాడు. అయితే నాగ్ పై రూమర్స్ వస్తే వెంటనే ఖండిస్తుంటాడు. ఇక సినిమాలకు సంబందించిన న్యూస్ అప్డేట్స్ గురించి కూడా నాగ్ మొదట ఉహాగణాలకు తావివ్వకుండా తనే చెబుతుంటాడు.

నాని కలయికలో సినిమా వస్తోందని మొదట ఆయన చెప్పిన సంగతి తెలిసిందే. అయితే ఇటీవల నాగ్ కి తెలియకుండా ఒక రూమర్ బాగా స్ప్రెడ్ అయిపొయింది. దివంగత ముఖ్యమంత్రి వైఎస్.రాజశేఖర్ రెడ్డి బయోపిక్ ను త్వరలో తెరకెక్కబోతోందని ఇటీవల కొన్ని వార్తలు వచ్చిన సంగతి తెలిసిందే. విలేజ్ లో వినాయకుడు - ఆనందో బ్రహ్మ వంటి సినిమాలతో తనకంటూ ఒక మంచి గుర్తింపు తెచ్చుకున్న మహి వి రాఘవ్ ఆ బయోపిక్ ను తెరకేక్కించబోతున్నాడు.

ఇప్పటికే నిర్మాతలు విజయ్ చిల్లా - శశి సినిమా టైటిల్ ను యాత్ర అని రిజిస్ట్రేషన్ కూడా చేయించారు. అయితే వైఎస్ తనయుడు జగన్ అనుమతి కోసం వారు ఎదురుచూస్తున్నారు. ఇక అసలు విషయానికి వస్తే ఈ బయోపిక్ లో వైఎస్సార్ పాత్రను నాగార్జున పోషించనున్నారని వార్తలు వస్తున్నాయి. నాగార్జున కథ విని ఒప్పేసుకున్నారని కూడా టాక్ వినిపించింది. కానీ నాగ్ సన్నిహితులు మాత్రం ఈ విషయాన్నీ కొట్టి పారేశారు. అందులో ఎంత మాత్రం నిజం లేదని నాగ్ ని ఎవరు కలవలేదని తెలిసింది. మరి ఆ పాత్రకి ఎవరిని సెలెక్ట్ చేస్తారో చూడాలి.