ట్రైలర్ టాక్: సినిమా రేంజ్ లో ఉందిగా!

రానురాను డిజిటల్ ప్లాట్ ఫార్మ్స్ మీద వెబ్ సిరీస్ ల ప్రభావం ఏ స్థాయిలో ఉండబోతోందో ప్రత్యక్ష ఉదాహరణగా నిలుస్తోంది సేక్రెడ్ గేమ్స్. సైఫ్ అలీ ఖాన్- నవాజుద్దీన్ సిద్ధిక్ కీలక పాత్రల్లో నటించిన ఈ యాక్షన్ థ్రిల్లర్ మొదటి సీజన్ గత ఏడాది బ్లాక్ బస్టర్ సక్సెస్ అందుకుంది. ఒకరకంగా చెప్పాలంటే ఇలాంటి వాటి నిర్మాణాలకు ఊపునిచ్చింది ఇదే. నెట్ ఫ్లిక్స్ సంస్థ ద్వారా రిలీజైన దీనికి దక్కిన ఆదరణ వేరేదానికి లభించలేదన్నది వాస్తవం. అప్పటినుంచే రెండో సిరీస్ ఎప్పుడు వస్తుందా అని అభిమానులు ఎదురు చూస్తూ వచ్చారు.

టైం వచ్చేసింది. ఆగస్ట్ 15 సేక్రెడ్ గేమ్స్ 2ని రిలీజ్ చేయబోతున్నట్టు నెట్ ఫ్లిక్స్ అఫీషియల్ గా ప్రకటించింది. అదే క్యాస్టింగ్ తో కొనసాగింపుగా దీన్ని స్ట్రీమింగ్ చేయబోతున్నారు. ఎన్ని ఎపిసోడ్స్ ఉంటాయనే క్లారిటీ మాత్రం ఇంకా ఇవ్వలేదు.  గైతొండే(నవాజుద్దీన్ సిద్ధిక్)అనే నోటోరియస్ గ్యాంగ్ స్టర్ కు సర్తాజ్ సింగ్(సైఫ్ అలీ ఖాన్)అనే పోలీస్ ఆఫీసర్ కు మధ్య జరిగే కోల్డ్ వార్ ముంబై మాఫియా నేపథ్యంలో తీర్చిదిద్దిన తీరు సినిమాకు ఏ మాత్రం తీసిపోని రీతిలో ఉంటుంది. ఫస్ట్ సీజనే సూపర్ అనుకుంటే ఇప్పుడు రెండో సిరీస్ దానికి మించి అనే తరహాలో ట్రైలర్ లోనే శాంపిల్ చూపించడంతో అంచనాలు విపరీతంగా పెరిగిపోయాయి.

చనిపోయాడు అనుకున్న గైతొండే తిరిగి వచ్చి ముంబైలో దారుణమైన బాంబ్ బ్లాస్ట్ లు అరాచకాలు  ప్లాన్ చేస్తాడు. దానికి ఎన్నో రాజకీయ శక్తులు అండగా ఉంటాయి. తన మీద నమ్మకం లేని డిపార్ట్మెంట్ నుంచి సహాయం ఆశించకుండా ఒంటరి పోరాటం మొదలుపెడతాడు సర్తాజ్ సింగ్. ఈ ఇద్దరి మధ్య యుద్ధం ఎన్ని మలుపులు తీసుకుందో తెలియాలంటే సేక్రెడ్ గేమ్స్ 2 చూడాల్సిందే. విడుదలైన 24 గంటలలోపే ట్రైలర్ వ్యూస్ అర మిలియన్ వ్యూస్ దాటడం దీని మీద క్రేజ్ ని చెప్పకనే చెబుతుంది

Full View