ఆ సినిమా సీక్వెల్ తో డైరెక్టర్ రీ-ఎంట్రీ

బాలీవుడ్ లోని ఉన్న ఫేమస్ ఫిలిం మేకర్స్ లో మహేష్ భట్ ఒకరు.  అప్పట్లో ఎన్నో బ్లాక్ బస్టర్ చిత్రాలకు దర్శకత్వం వహించిన అయిన గత 19 ఏళ్ళ నుండి  డైరెక్షన్ కు దూరంగా ఉన్నారు.   ఈ రోజు భట్ సాబ్ తన 70 వ పుట్టిన రోజు జరుపుకుంటున్నారు.  ఈ సందర్భంగా తన తాజా చిత్రం 'సడక్ 2'  ప్రకటించారు.  ఈ సినిమా అనౌన్స్మెంట్ తో పాటుగా టీజర్ ను కూడా విడుదల చేశారు.

ఈ సినిమా 1991 రిలీజ్ అయిన క్లాసిక్ 'సడక్' కు సీక్వెల్.  మహేష్ భట్ దర్శకత్వంలో తెరకెక్కిన ఈ సినిమాలో సంజయ్ దత్ - పూజ భట్(మహేష్ భట్ పెద్ద కూతురు) హీరో హీరోయిన్లు.  ఇప్పుడు తెరకెక్కనున్న సీక్వెల్ లో సంజయ్ - పూజా లతో పాటుగా ఆదిత్య రాయ్ కపూర్ - అలియా భట్ లు కూడా నటిస్తారు.  బాలీవుడ్ లో స్టార్ హీరోయిన్ అయిన అలియా భట్ మహేష్ భట్ చిన్న కూతురు అనే విషయం తెలిసిందే.  నాన్న డైరెక్షన్ లో నటించడం అలియాకు ఇదే మొదటిసారి.

ఇక ఈ టీజర్ లో మెజారిటీ విజువల్స్ ఒరిజినల్ 'సడక్' లోనివే.  ప్రాజెక్ట్ అనౌన్స్మెంట్ కోసం మాత్రమే జస్ట్ వీడియో టీజర్ కట్ చేసినట్టుగా ఉన్నారు.  సీక్వెల్ లో అలియా సంజయ్ కూతురి పాత్రలో కనిపిస్తుందని..  సంజయ్ డ్రగ్స్ వ్యసనాన్ని జయించిన వ్యక్తి పాత్రలో కనిపిస్తాడని సమాచారం.  సినిమా థీమ్ 'డిప్రెషన్' అంటున్నారు. ఈ సినిమాను 2020 మార్చ్ 25 న రిలీజ్ చేస్తారట. అంతా బాగానే ఉంది గానీ.. పూర్తిగా చంద్రముఖిలా మారిపోయిన ఈ సోషల్ మీడియా జనరేషన్ ప్రేక్షకులను భట్ సాబ్ ఎలా మెప్పిస్తాడో ఏంటో!

Full View