మెగా మేన‌ల్లుడితో మారుతి `భోగి`?

మెగా మేన‌ల్లుడు సాయి ధ‌ర‌మ్ తేజ్ కెరీర్ డైల‌మా గురించి తెలిసిందే. కొన్ని వ‌రుస ఫ్లాపుల త‌ర్వాత `చిత్ర‌ల‌హ‌రి`తో కాస్తంత రిలీఫ్ దొరికింది. పేరులోని ధ‌ర‌మ్ ని తొల‌గించి సాయి తేజ్ గా మారాక ల‌క్ క‌లిసొచ్చింది. `చిత్ర‌ల‌హ‌రి` అబౌ యావ‌రేజ్ గా ఆడింది. అంత‌కుమించి సాయిధ‌ర‌మ్ ఓ కొత్త పంథా క‌థ‌ని ఎంచుకున్నాడ‌ని ప్ర‌శంస‌లు ద‌క్కాయి. అందుకే ఈ ఉత్సాహంలో స‌క్సెస్ ని కొన‌సాగించేందుకు ఆచితూచి క‌థ‌ల్ని ఎంచుకుంటున్నాడ‌ట‌. ఈసారి మారుతి క‌థ‌ను ఫైన‌ల్ చేశాడ‌ట‌.

సాయితేజ్ హీరోగా మారుతి ద‌ర్శ‌క‌త్వంలోని సినిమా త్వ‌ర‌లోనే ప్రారంభం కానుంది. ఈ క్రేజీ చిత్రాన్ని గీతా ఆర్ట్స్ 2- యువీ క్రియేషన్స్ సంయుక్తంగా నిర్మిస్తున్నాయి. భోగి అనే ఆస‌క్తిక‌ర టైటిల్ ని ఫైన‌ల్ చేశార‌ని ప్ర‌చారం సాగుతోంది. ఈనెల 9న మొద‌ల‌వుతుంద‌ని చెబుతున్నా అందుకు సంబంధించిన అధికారిక స‌మాచారం రావాల్సి ఉంది.  

ఈసారి సాయి తేజ్ ఎలాంటి క‌థ‌ను ఎంచుకున్నాడు? అంటే మసాలా క‌థే కానీ టైటిల్ సాఫ్ట్ గా ఉంటుంది. ఫ్యామిలీ ఆడియెన్ కి న‌చ్చే ఎలిమెంట్స్ ఉంటాయ‌ట‌. సాయిధ‌ర‌మ్ స‌ర‌స‌న మాళవిక శర్మ క‌థానాయిక‌గా న‌టిస్తుంద‌ని తెలుస్తోంది. ఈ సినిమా కాస్టింగ్ స‌హా సాంకేతిక నిపుణుల‌కు సంబంధించి నిర్మాణ సంస్థ‌లు వివరాల్ని వెల్ల‌డించాల్సి ఉందింకా. లాంచింగ్ డే వివ‌రాలు వెల్ల‌డి కావాల్సి ఉంది.