సింగ‌రాయ్ కైనా మ‌తి చెడాలి ప‌ల్ల‌వీ!

సాయి ప‌ల్ల‌వి డాన్స‌ర్ ప్ర‌తిభ గురించి ప్ర‌త్యేకంగా చెప్పాల్సిన ప‌నిలేదు. న‌టి కాక ముందే గొప్ప డాన్స‌ర్ గా  పేరు సంపాదించింది. సాయి ప‌ల్ల‌వి తెలుగు నాట అంత పెద్ద స్టార్ అయిందంటే త‌న‌లోని డాన్సింగ్ ట్యాలెంట్ ప్ర‌ధాన కార‌ణం. కొరియోగ్రాఫ‌ర్ గానూ విశేష సేవ‌లందించింది ఈ మ‌ల‌యాళీ న‌టి. ఆ ప్ర‌తిభ‌ని గుర్తించే ద‌ర్శ‌కుడు శేఖ‌ర్ క‌మ్ములా టాలీవుడ్ కి ప‌రిచ‌యం చేసారు. ఆటుపై త‌న‌కంటూ ఓ బ్రాండ్ ని క్రియేట్ చేసారు. `ఫిదా` త‌ర్వాత `ల‌వ్ స్టోరీ` తో శేఖ‌ర్ క‌మ్ములా మ‌రో స‌క్సెస్ అందుకున్నారంటే కార‌ణం మ‌రోసారి సాయిప‌ల్ల‌విలో డాన్సింగ్ యాంగిలే అస్సెట్ అయ్యింది. ఆ ర‌కంగా శేఖ‌ర్ క‌మ్ములా తెలివిగా స‌క్సెస్ ని డిజైన్ చేసారు.

వేరొక‌ ద‌ర్శ‌కుడు చేయ‌ని ప్ర‌యోగాలు సాయి ప‌ల్ల‌వితో చేయించి స‌క్సెస్  అందుకోవ‌డం క‌మ్ములాకి మాత్ర‌మే చెల్లించ‌ద‌ని నిరూపిస్తున్నారు. ప్ర‌స్తుతం సాయి ప‌ల్ల‌వి టాలీవుడ్ లొ వ‌రుస  సినిమాల‌తో బిజీగా ఉంది. నేచుర‌ల్ స్టార్ నాని స‌ర‌స‌న `శ్యామ్ సింగ‌రాయ్` లో న‌టిస్తోన్న సంగ‌తి తెలిసిందే. ఈ సినిమా ప్ర‌మోష‌న్ లో భాగంగా ఫోటో షూట్ లో పాల్గొంది. వాటిలో కొన్ని స్టిల్స్ ఇప్పుడు నెట్టింట వైర‌ల్ గా మారాయి. అందులో ఒక ఫోటో చాలా ప్ర‌త్యేకంగా ఆక‌ర్షిస్తోంది.

పొడ‌వాటి ఫ్లోర‌ల్ గౌను ధ‌రించి  కిల కిలా న‌వ్వుతూ అథ్లెటిక్ త‌ర‌హా ఫోజ్ ఇచ్చింది సాయిప‌ల్ల‌వి. అలా ఒంటి కాలిపైనే త‌న‌ బ‌రువంత‌టినీ బ్యాలెన్స్ చేస్తూ .. మ‌రో  కాలి పాదాన్ని త‌న ఛాతీ వ‌ర‌కూ తెచ్చి గ‌ట్సీగా కెమెరాకి ఫోజులిచ్చింది. ప్ర‌స్తుతం ఈ ఫోటోగ్రాఫ్ ఇన్ స్టా ప్రియుల్ని ఆక‌ట్టుకుంటోంది. ఇలాంటి ఫీట్లు సాయి ప‌ల్ల‌వి మాత్ర‌మే చేయ‌గ‌ల‌ద‌ని ప్ర‌శంస‌లందుకుంది. ఈ బ్యూటీకి ఇన్ స్టాలో చాలా మంది పాలోవ‌ర్స్ ఉన్నారు. దీనికి అభిమానుల నుంచి ప్ర‌శంస‌లు.. కామెంట్లు హోరెత్తాయి. సాధార‌ణంగా ఇన్ స్టాని అందాల‌తో హీటెక్కించే భామ‌లే ఎక్కువ‌గా ఉంటారు. కానీ సాయి ప‌ల్ల‌వి వాటికి దూరంగా ఉంటూ కేవ‌లం త‌న‌లో ట్యాలెంట్ ని మాత్రమే చూపిస్తూ ప్ర‌శంస‌లు అందుకోవ‌డం త‌న‌కే చెల్లింది. హ‌ద్దులు దాటి ఎక్స్ పోజింగ్ అన‌వ‌స‌ర హంగామా సాయిప‌ల్ల‌విలో చూడ‌లేం.