వెకేషన్ లో ఇలా ఉండాలి అని చూపిస్తోంది!

స్టార్ హీరోయిన్ సమంతా ప్రస్తుతం తన స్వీట్ హబ్బీ నాగ చైతన్యతో కలిసి స్పెయిన్ టూర్ లో ఉన్న విషయం తెలిసిందే.  విరామం లేకుండా చాలా రోజుల నుండి పని చేయడంతో ఈ సమ్మర్ వెకేషన్ ను చై-సామ్ ఫుల్ గా ఎంజాయ్ చేస్తున్నారు. చైతు సోషల్ మీడియాలో పెద్దగా యాక్టివ్ గా ఉండడు కాబట్టి ఫోటోలు షేర్ చేసుకోడు కానీ తన శ్రీమతికి చక్కగా ఫోటోలు తీసిపెడతాడు. వాటిని సామ్ సోషల్ మీడియాలో అభిమానులతో పంచుకుంటుంది.

ఒక వైపు నోరూరించే పిజ్జా.. మరోవైపు వైన్.. ఎదురుగా ప్రియమైన హబ్బీ.. ఇది సెటప్.  ఇక చూసుకోవాలి.. సామ్ మొహం కళకళలాడిపోతోంది.  ఇక్కడ లోకల్ గా అయితే చై-సామ్ అలా ఫ్రీగా తిరగలేరు.  ఆటోగ్రాఫులని.. సెల్ఫీలని జనాలు అతి ప్రేమతో మితిమీరిన అభిమానంతో చంపేస్తారు. కానీ స్పెయిన్ అలా కాదుగా.  అక్కడ కూడా మనవాళ్ళు ఉన్న ఏదో కొంతమందే ఉంటారు. పైగా ప్రేమతో సెలబ్రిటీలను వేధించే మాసు బ్యాచ్ అక్కడ ఉండదు. అందుకే సామ్ ఫుల్ ప్రైవసీ తో వెకేషన్ ను ఎంజాయ్ చేస్తోంది.  పనిలో పనిగా గ్లామర్ ను కూడా కాస్త పెంచింది.. బ్రాండెడ్ దుస్తులు.. హ్యాండ్ బ్యాగ్ ధరించి ఒక మోడల్ లాగా ఫోటోలకు పోజులిచ్చింది.  ఈ ఫోటోలన్నీ ఇప్పుడు సోషల్ మీడియాలో తెగ వైరల్ అవుతున్నాయి .

సినిమాల విషయానికి వస్తే సమంతా ప్రస్తుతం 'ఓ బేబీ' సినిమాలో నటిస్తోంది. ఈ సినిమాతో పాటుగా తమిళ సూపర్ హిట్ '96' రీమేక్ లో కూడా నటిస్తోంది.  నాగ చైతన్య తన మేనమామ విక్టరీ వెంకటేష్‌తో కలిసి 'వెంకీ మామ' అనే మల్టిస్టారర్ లో నటిస్తున్నాడు.