శాండల్‌ వుడ్ డ్రగ్స్ కేసులో ఆరవ నిందుతుడు అయిన వివేక్ ఒబెరాయ్ బావమరిది ఆదిత్య అల్వాను ఎట్టకేలకి సీసీబీ పోలీసులు అరెస్ట్ చేశారు. ఈ కేసు వ్యవహారం వెలుగులోకి వచ్చినప్పటి నుండి ఆదిత్య అల్వా పరారీలో ఉన్నాడు. అప్పటి నుంచి ఆదిత్య కోసం గాలిస్తున్న సీసీబీ అతడిని సోమవారం రాత్రి అదుపులోకి తీసుకుంది. ఈ సందర్భంగా బెంగళూరు జాయింట్‌ పోలీస్‌ కమిషనర్‌ సందీప్‌ మీడియాతో మాట్లాడుతూ.. శాండల్‌ వుడ్ డ్రగ్‌ కేసులో ఆరోపణలు ఎదుర్కొంటున్న ఆదిత్య అల్వా నాలుగు నెలలుగా పరారీ ఉన్నాడు. ఈ నేపథ్యంలో అతడిని సోమవారం రాత్రి చెన్నైలో అరెస్టు చేశాం అని వెల్లడించారు.
అతడు చెన్నైలోని ఓ రిసార్టులో ఉన్నట్లు సమాచారం అందింది అని , దీంతో మా బృందం అతడు ఉంటున్న రిసార్టుపై దాడి చేసి అరెస్టు చేసింది అని ఆయన చెప్పారు. ఆదిత్య మాజీ మంత్రి జీవరాజ్‌ అల్వా కుమారుడు, బాలీవుడ్‌ నటుడు వివేక్ బెరాయ్‌ భార్య ప్రియాంక అల్వా సోదరుడు. కాగా ఆదిత్య పరారీలో ఉండటంతో అతడి బావ అయిన వివేక్ ఒబెరాయ్ ఇంటిలో సీసీబీ సెప్టెంబర్‌ లో దాడులు నిర్వహించారు.
కాగా ప్రస్తుతం పోలీసులు ఆదిత్యను బెంగళూరులోని చమరాజ్ పేటలోని సీసీబీ కార్యాలయంలో ప్రశ్నిస్తున్నారు. ఎన్ డీపీఎస్ కేసుల్లో అతన్ని ప్రత్యేక కోర్టు ముందు హాజరుపరుస్తామని పోలీసు వర్గాలు పేర్కొన్నాయి. లాక్ డౌన్ సమయంలో ఆదిత్య బెంగళూరు హెబ్బాల్ లోని తన ఫామ్‌ హౌస్‌ లో నిర్వహించిన పార్టీల్లో డ్రగ్స్ సరఫరా చేయడమే కాక అతడు డ్రగ్‌ పెడ్లర్లతో సన్నిహితంగా ఉన్నట్లు ఆధారాలు లభ్యమయ్యాయి. పార్టీలో డ్రగ్స్ సేకరించి, సరఫరా చేయడంలో ఆదిత్య ప్రధాన పాత్ర పోషించాడని ఇప్పటికే ఎన్ సీబీ విచారిస్తున్న నిందితుడు రవిశంకర్‌ అంగీకరించాడు. ఆదిత్య అల్వా పేరు వెలుగులోకి రావడంతో సెప్టెంబర్‌ 4 నుంచి పరారీలోకి వెళ్లిపోయాడు.
అతడు చెన్నైలోని ఓ రిసార్టులో ఉన్నట్లు సమాచారం అందింది అని , దీంతో మా బృందం అతడు ఉంటున్న రిసార్టుపై దాడి చేసి అరెస్టు చేసింది అని ఆయన చెప్పారు. ఆదిత్య మాజీ మంత్రి జీవరాజ్‌ అల్వా కుమారుడు, బాలీవుడ్‌ నటుడు వివేక్ బెరాయ్‌ భార్య ప్రియాంక అల్వా సోదరుడు. కాగా ఆదిత్య పరారీలో ఉండటంతో అతడి బావ అయిన వివేక్ ఒబెరాయ్ ఇంటిలో సీసీబీ సెప్టెంబర్‌ లో దాడులు నిర్వహించారు.
కాగా ప్రస్తుతం పోలీసులు ఆదిత్యను బెంగళూరులోని చమరాజ్ పేటలోని సీసీబీ కార్యాలయంలో ప్రశ్నిస్తున్నారు. ఎన్ డీపీఎస్ కేసుల్లో అతన్ని ప్రత్యేక కోర్టు ముందు హాజరుపరుస్తామని పోలీసు వర్గాలు పేర్కొన్నాయి. లాక్ డౌన్ సమయంలో ఆదిత్య బెంగళూరు హెబ్బాల్ లోని తన ఫామ్‌ హౌస్‌ లో నిర్వహించిన పార్టీల్లో డ్రగ్స్ సరఫరా చేయడమే కాక అతడు డ్రగ్‌ పెడ్లర్లతో సన్నిహితంగా ఉన్నట్లు ఆధారాలు లభ్యమయ్యాయి. పార్టీలో డ్రగ్స్ సేకరించి, సరఫరా చేయడంలో ఆదిత్య ప్రధాన పాత్ర పోషించాడని ఇప్పటికే ఎన్ సీబీ విచారిస్తున్న నిందితుడు రవిశంకర్‌ అంగీకరించాడు. ఆదిత్య అల్వా పేరు వెలుగులోకి రావడంతో సెప్టెంబర్‌ 4 నుంచి పరారీలోకి వెళ్లిపోయాడు.