'అర్జున్ రెడ్డి' డైరెక్టర్ కొత్త సినిమా.. హీరో ఎవరంటే?

టాలీవుడ్ ఇండస్ట్రీలో కొత్త ఒరవడిని సృష్టించాడు డైరెక్టర్ సందీప్ రెడ్డి వంగా. 'అర్జున్ రెడ్డి' రూపంలో చిన్న సినిమాను తెరకెక్కించి భారీ విజయాన్ని కూడగట్టుకున్నాడు. హీరోని యాంగ్రీ లుక్ లో చూపించడంలో మంచి మార్కులు కొట్టేసాడు. దీంతో తొలి సినిమాతోనే సెన్సేషనల్ డైరెక్టర్‌గా గుర్తింపు పొంది మంచి పాపులారిటీ సంపాదించాడు సందీప్. ఒక్క సినిమాతోనే టాలీవుడ్ నుంచి బాలీవుడ్ వైపు అడుగులేసాడు సందీప్ రెడ్డి వంగా.. అక్కడ కూడా సూపర్ క్రేజ్ సంపాదించాడు. తన అర్జున్ రెడ్డి సినిమాను కబీర్ సింగ్ పేరుతో రీమేక్ చేసి బాలీవుడ్ ప్రేక్షకుల దృష్టిని తన వైపు తిప్పుకున్నాడు. షాహిద్ కపూర్, కియారా అద్వానీ జంటగా నటించిన ఈ సినిమా భారీ సక్సెస్ సాధించడంతో బీ టౌన్ లో సందీప్ రెడ్డి వంగా పేరు పాపులర్ అయిపోయింది.

ఈ నేపథ్యంలో ఇటు టాలీవుడ్, అటు బాలీవుడ్ నిర్మాతలు సందీప్ రెడ్డి వంగాతో సినిమాలు చేసేందుకు క్యూ కట్టారు. ప్రస్తుతం లాక్ డౌన్ లో ఉంటున్న సందీప్.. తదుపరి తెలుగు సినిమా స్క్రిప్ట్ పనులలో బిజీ అయ్యాడట. ఇప్పటికే చాలా మంది హీరోలకు తన కొత్త స్క్రిప్ట్ వినిపించాడట సందీప్. తన రెండో సినిమాను టాలీవుడ్ టాప్ హీరోతోనే తెరకెక్కించాలని ఫిక్స్ అయ్యాడని వార్తలు వినిపిస్తున్నాయి. కానీ సందీప్ వినిపించిన కొత్త స్క్రిప్టులకు టాలీవుడ్ స్టార్ హీరోలు నో చెప్పినట్లు సమాచారం. కానీ త్వరలోనే తన కొత్త సినిమా ఏ హీరోతో ఉండబోతుందో.. చెప్పడానికి సిద్ధం అవుతున్నాడు సందీప్. ప్రస్తుతం టాలీవుడ్ హీరోలంతా తమ ప్రాజెక్టులతో బిజీ ఉన్నారు. ఇంకా కరోనా లాక్ డౌన్ కారణంగా ప్రస్తుత సినిమాలు మరింత ఆలస్యం అయ్యే అవకాశం ఉంది. మరి నెక్స్ట్ సినిమా ఎవరితో చేయనున్నాడో అని సినీ అభిమానులలో ఆసక్తి నెలకొంది. ఓ స్టార్ హీరో సందీప్ కథకు ఓకే చెప్పినట్లు టాక్. చూడాలి మరి సందీప్ చేతిలో యాంగ్రీ మ్యాన్ అయ్యేది ఎవరో!