న్యూ లుక్‌తో ఎన్టీఆర్.. మామూలుగా లేదుగా..

ఎన్టీఆర్ ఎక్కడ కనిపించినా స్టైల్, అటిట్యూడ్ గురించి ప్రత్యేకంగా చర్చించాల్సిందే. లేటెస్ట్ గా తారక్, భార్య లక్ష్మీ ప్రణతితో కలిసి ఎయిర్‌పోర్ట్‌లో దర్శనమిచ్చారు. ఎంతో క్యాజువల్ లుక్‌లో కనిపించిన ఎన్టీఆర్, తన లుక్‌తో అభిమానులను ఫిదా చేశాడు. వైట్ టీ-షర్ట్, బ్లాక్ ట్రౌజర్స్, స్టైలిష్ కళ్లజోడు ధరించిన ఎన్టీఆర్, ఎయిర్‌పోర్ట్ లుక్‌లో అదరగొట్టాడు. మరోవైపు, లక్ష్మీ ప్రణతి డెనిమ్ జాకెట్, క్రీమ్ కలర్ ప్యాంట్, స్నీకర్స్‌తో క్యాజువల్ స్టైల్‌ను మెయింటైన్ చేశారు.

ఈ క్యూట్ కపుల్ లుక్ ప్రస్తుతం నెట్టింట వైరల్ అవుతోంది. ఎయిర్‌పోర్ట్ లుక్‌లోనూ ఎన్టీఆర్‌కు ఉన్న మాస్ అటిట్యూడ్ స్పష్టంగా కనిపించింది. ఎక్కడున్నా తన స్టైల్‌ను మిస్ అవ్వకుండా కంటిన్యూ చేసే ఎన్టీఆర్, ఈసారి కూడా అదే స్టాండర్డ్‌ను నిలబెట్టుకున్నాడు. రఫ్ అండ్ టఫ్ లుక్‌తో, డీప్ బ్లాక్ షేడ్స్‌తో ఎన్టీఆర్ కనిపించడంతో ఫ్యాన్స్ తెగ ఎగ్జైట్ అవుతున్నారు. చాలా రోజుల తర్వాత ఎన్టీఆర్ భార్యతో కలిసి పబ్లిక్‌లో దర్శనమిచ్చారు, అందుకే ఈ ఫొటోలు ట్రెండ్ అవుతున్నాయి.

ఇదిలా ఉండగా, ఎన్టీఆర్ ప్రస్తుతం వరుస సినిమాలతో బిజీగా ఉన్నాడు. NTR 31 ఇప్పటికే భారీ అంచనాలతో రెడీ అవుతోంది. ప్రశాంత్ నీల్ దర్శకత్వంలో తెరకెక్కబోయే ఈ సినిమా యాక్షన్ ఎంటర్‌టైనర్‌గా రానుంది. ఇక బాలీవుడ్ బిగ్ మూవీ War 2 లోనూ ఎన్టీఆర్ నటించబోతుండటం విశేషం. హృతిక్ రోషన్, ఎన్టీఆర్ కాంబో ఎలా ఉండబోతుందో తెలుసుకోవడానికి ఫ్యాన్స్ ఆతృతగా ఎదురు చూస్తున్నారు.

గత ఏడాది దేవర 1 తో కమర్షియల్ గా మంచి సక్సెస్ అందుకున్న తారక్, వరుసగా తన తర్వాతి సినిమాల కోసం ప్రిపేర్ అవుతున్నాడు. లుక్ పరంగా కూడా ఎన్టీఆర్ ఎప్పటికప్పుడు మార్పులు చేసుకుంటూ, ప్రతి సినిమాకు ఒక కొత్త స్టైల్ ను తీసుకువస్తున్నాడు. ఎయిర్‌పోర్ట్ లుక్ చూస్తుంటే ఎన్టీఆర్ మరో మాస్ ఎంటర్‌టైనర్‌కు సిద్ధమవుతున్నాడనే సంకేతాలు వస్తున్నాయి.

ఎన్టీఆర్ ప్రతి చిన్న అంశాన్ని స్టైలిష్‌గా మలచుకోవడంలో ఎప్పుడూ ముందుంటాడు. నార్త్‌లోనూ తనకంటూ ప్రత్యేకమైన గుర్తింపు తెచ్చుకోవడానికి వార్2 చాలా కీలకంగా మారనుంది. అంతే కాకుండా, NTR 31 లో ఎలా కనిపించబోతున్నాడనే దానిపై కూడా భారీ అంచనాలే ఉన్నాయి. ఈ ప్రాజెక్ట్‌లో ఎన్టీఆర్ ఇప్పటి వరకు చేయని రఫ్ క్యారెక్టర్‌లో కనిపించనున్నట్లు టాక్. ఇటీవల వచ్చిన ఫోటోలు చూస్తుంటే ఎన్టీఆర్ తన లుక్ విషయంలో ఎంత జాగ్రత్తగా ఉంటాడో స్పష్టంగా అర్థమవుతోంది. ఎంతో క్యాజువల్‌గా, ఎటువంటి హంగామా లేకుండా లుక్ మేనేజ్ చేసినా.. ఎన్టీఆర్‌కు ఉండే అదనపు మాస్ ఎలివేషన్ ఎప్పటికీ తగ్గదు.