​భూమి కోసం బాలీవుడ్ హీరో గొడవ

బాలీవుడ్ లో టాప్ హీరోలు అంటే అందరికి ఆ ముగ్గురే గుర్తుకు వస్తారు. స్టార్ సిస్టమ్ కి ఎప్పుడో దూరం జరిగి తనకంటూ ఒక స్పెషల్ క్రేజ్ ఏర్పర్చుకొన్న హీరో సంజయ్ దత్త్. బాలీవుడ్లో ఇప్పుడు సంజయ్ పూర్తిగా ఉన్నాడు అని చెప్పలేము అసలు లేడనీ అనలేము. ఎందుకంటే అతని జీవితంలో అన్ని మలుపులు ఉన్నాయి. వివాదాలు, డ్రగ్స్ కు బానిస కావడం జైలుకి వెళ్ళడం ఇలా అనేక మలుపులు తిరిగింది సంజయ్ జీవితం. జైలు నుండి తిరిగి వచ్చిన తరువాత సంజయ్ చేస్తున్న సినిమా ‘భూమి’ ఫస్ట్ లుక్ పోస్టర్ అతని 58వ  పుట్టిన రోజు సందర్భంగా విడుదల చేశారు.

అమీర్ ఖాన్ పి‌కే సినిమాలో ఒక అతిది పాత్రలో వచ్చిన సంజయ్ ఆ తరువాత మళ్ళీ సినిమాలలో కనిపించలేదు. ఇప్పుడు సంజయ్ దత్త్ హీరోగా నటిస్తున్న భూమి సినిమా ఫస్ట్ లుక్ పోస్టర్ను తన ట్విటర్ ద్వారా అతని అభిమానులుతో పంచుకున్నాడు.  అతని కళ్ళలో కోపం ఉంది, మొఖం అంతా రక్తంతో తడిచి ఉంది, మట్టికొట్టుకు పోయన మొఖంతో దేని కోసమో ఎవరి కోసమో వేటాడుతునట్లు కనిపిస్తుంది. ఈ ఫస్ట్ లుక్ పోస్ట్ చేసిన రెండు గంటలుకే ఇండియా ట్విటర్ ట్రెండ్ లలో రెండో స్థానం లో నిలిచింది. సంజయ్ దత్త్ ని ఇటువంటి పాత్రలలో చూసిన అభిమానులు సంబరాలు జరుపుకుంటున్నారు. మళ్ళీ చాలా ఏళ్లు తరువాత తన స్థాయి సినిమా చేస్తున్నందుకు సంజయ్ దత్ అభిమానులు వాళ్ళ ఆనందాన్ని కామెంట్లు ద్వారా తెలియపరుస్తున్నారు.

ఈ సినిమాలో అదితి రావు హైదారి ఒక ముఖ్య పాత్రలో నటిస్తోంది. సంజయ్ దత్త్ కూతురుగా చేస్తునట్లు టాక్. ఇది ఒక తండ్రి కూతురు మధ్య కథ అని ఇదివరికే చెప్పారు భూమి టీమ్. మేరి కొమ్ సినిమాను డైరెక్ట్ చేసిన ఒమాంగ్ కుమార్ ఈ సినిమాను రూపొందిస్తున్నాడు. భూమి సినిమా సెప్టెంబర్ 22 తేది న విడుదల చేయడానికి రెడీగా ఉందట.