ఫ్యాన్స్ ను అలా వాడేసిన సంజ‌న‌!

ఎడ‌తెర‌పి లేని వ‌ర్షాలు - వ‌ర‌ద‌ల‌తో కేరళ రాష్ట్రం అత‌లాకుత‌ల‌మైన సంగ‌తి తెలిసిందే. వ‌ర‌ద ముంపున‌కు గురై విల‌విల‌లాడిపోయిన కేర‌ళ‌ను ఆదుకునేందుకు చాలామంది సెల‌బ్రిటీలు - సినీ తార‌లు - రాజ‌కీయ‌నాయకులు ముందుకు వ‌చ్చి ఆప‌న్న హ‌స్తం అందించారు. వ‌ర‌ద ఉధృతి త‌గ్గ‌డంతో కేర‌ళ‌వాసులు ఇపుడిపుడే కొద్దిగా కోలుకుంటున్నారు. అయితే, కేర‌ళ‌తో పాటు క‌ర్ణాట‌క‌లోని కూర్గ్ ప్రాంతం కూడా వ‌ర‌ద ముంపున‌కు గురైంద‌ని చాలా త‌క్కువ‌మందికి తెలుసు. ఈ నేప‌థ్యంలోనే కూర్గ్ లో క‌న్న‌డ హీరోయిన్ సంజ‌న స్వ‌యంగా ప‌ర్య‌టించి స‌హాయ‌క చ‌ర్య‌ల్లో పాల్గ‌న్నారు. అంతేకాకుండా - త‌నకు సోష‌ల్ మీడియాలో ఉన్న ఫ్యాన్ ఫాలోయింగ్ ను ఉప‌యోగించుకొని ....300 మంది వాలంటీర్ల‌ను కూర్గ్ స‌హాయ‌క చ‌ర్య‌ల్లో పాల్గొనేలా పిలుపునిచ్చారు.

సోష‌ల్ మీడియాలో సినీ తార‌ల‌కు ఫ్యాన్ ఫాలోయింగ్ ఎక్కువ‌. అయితే, ఆ ఫ్యాన్స్ ను వ‌ర‌ద స‌హాయ‌క చ‌ర్య‌ల వంటి కార్య‌క్ర‌మాల్లో ఇన్ వాల్వ్ చేసిన వారు మాత్రం చాలా త‌క్కువ‌నే చెప్పాలి. అయితే, తాజాగా `బుజ్జిగాడు` బ్యూటీ సంజ‌న ...అంద‌రు సెల‌బ్రిటీల‌క‌న్నా భిన్నంగా వ‌ర‌ద బాధితుల‌కు సాయం చేసింది. త‌న ఇన్ స్టాగ్రామ్ - ఫేస్ బుక్ ఖాతాలోని ఫ్యాన్స్ ను కూర్గ్ లో స‌హాయ‌క చ‌ర్య‌ల్లో పాల్గొనాల‌ని పిలుపునిచ్చింది. 300 మంది వాలంటీర్ల‌ను అక్క‌డికి పంప‌డ‌మే కాకుండా సంజ‌న కూడా స్వ‌యంగా వెళ్లింది. త‌న ఫోన్ నంబ‌ర్ ను వాలంటీర్ల‌కు అంద‌జేసిన సంజ‌న‌....బాధితుల‌కు అవ‌స‌ర‌మైన సామాగ్రిని అంద‌జేసింది. త‌మకున్న ఫ్యాన్ ఫాలోయింగ్ ను ఉప‌యోగించుకోవ‌డంలో సంజ‌న ప‌లువురికి ఆద‌ర్శంగా నిలిచింది. అయితే, త్వ‌ర‌లోనే సంజ‌న రాజ‌కీయాల్లోకి రాబోతోన్న నేప‌థ్యంలోనే ఈ సాయం చేసింద‌ని కొంద‌రు అంటున్నారు. అయితే, ఆమెకు సామాజిక సేవ అంటే ఇష్ట‌మ‌ని - స‌రైన స‌మ‌యానికి సాయం చేసింద‌ని ప్ర‌శంస‌లు వ‌స్తున్నాయి. ప్ర‌స్తుతం సంజ‌న `స్వ‌ర్ణ ఖ‌డ్గం`అనే సీరియ‌ల్ లో న‌టిస్తోంది.