మూడో భాషలో మూడో సినిమా రెడీ

కొత్త హీరోయిన్లు రావడం.. కాసింత పేరు సంపాదించుకుని.. ఇతర భాషల్లో కూడా అదృష్టం పరీక్షించుకోవడం ఎప్పుడూ జరిగేదే. కానీ సాయేషా సైగల్ స్టోరీ మాత్రం డిఫరెంట్ గా ఉంది. అక్కినేని అఖిల్ అరంగేట్ర మూవీలో అతనితో కలిసి టాలీవుడ్ మూవీ  అఖిల్ తో సినిమా ఎంట్రీ ఇచ్చింది సాయేషా.

ఆ సినిమా డిజాస్టర్ గా నిలవడంతో ఇక్కడ అవకాశాలు రాలేదు కానీ.. వెంటనే బాలీవుడ్ నుంచి బంపర్ ఆఫర్ పలకరించింది. అజయ్ దేవగన్ తో కలిసి చేసిన శివాయ్ మూవీతో మంచి సక్సెస్ ను అందుకుంది సాయేషా. ఇప్పుడు తమిళ్ లో కొత్త సినిమాని రిలీజ్ కి రెడీ చేసేస్తోంది ఈ బ్యూటీ. వనమగన్ అంటూ జయం రవి హీరోగా రూపొందిన మూవీలో నటిస్తోంది సాయేషా సైగల్. హీరో టార్జాన్ రోల్ లో కనిపించనున్న ఈ మూవీ టీజర్ రీసెంట్ గా రిలీజ్ అయ్యి.. అందరినీ ఆకట్టుకుంటోంది.

తన సినిమా కెరీర్ లో మొదటి సినిమా అఖిల్ తో తెలుగులో అరంగేట్రం చేసిన సాయేషా.. రెండో సినిమాగా శివాయ్ ని హిందీలో చేసి అక్కడ ఎంట్రీ ఇచ్చింది. ఇప్పుడు ముచ్చగా మూడో మూవీని తమిళ్ లో చేస్తూ.. కోలీవుడ్ ఎంట్రీ ఇస్తోంది. ఇలా మొదటి మూడు సినిమాలతో మూడు భాషల్లో ఎంట్రీ ఇచ్చిన భామ..  బహుశా సాయేషా సైగల్ ఒక్కతే కావచ్చు.


Like Us on Facebook : https://www.facebook.com/Tupakidotcom/