క‌మ్ముల హీరో ఎందుకీ స‌స్పెన్స్‌?

అంతా కొత్త‌వారితో ప‌నిచేయ‌డం శేఖ‌ర్ క‌మ్ముల హాబీ. త‌న‌కు కావాల్సిన విధంగా ప్రాజెక్టును మ‌లుచుకోవ‌డం అన్న‌ది తొలి నుంచి ఉన్న అల‌వాటు. త‌న సెన్సిబిలిటీస్‌ కి - త‌నకు క‌నెక్ట‌య్యే వారితో మాత్ర‌మే ప‌ని చేస్తుంటారు. హ్యాపీడేస్ నుంచి అత‌డిది ఇదే బాణీ. ఇప్ప‌టికే అర‌డ‌జ‌ను పైగానే హీరోల్ని అత‌డు వెండితెర‌కు ప‌రిచ‌యం చేశాడు. అందులో వ‌రుణ్ సందేశ్‌ - నిఖిల్ - దేవ‌ర‌కొండ (లైఫ్ ఈజ్ బ్యూటిఫుల్‌) - కృష్ణుడు లాంటి వారు కెరీర్ ప‌రంగా నిల‌దొక్కుకోగ‌లిగారు. ఎంద‌రో క్యారెక్ట‌ర్ ఆర్టిస్టులుగానూ రాణించారు. అందుకే క‌మ్ముల ఓ సినిమా చేస్తున్నారు అంటే ఆ సినిమాలో న‌టించేందుకు న‌వ‌త‌రం ఉర‌క‌లెత్తుతుంది. ఆ అవ‌కాశం అందిపుచ్చుకునేందుకు ఎంతో ఆత్రంగా ఎదురు చూస్తారు.

ఇటీవ‌లే `ఫిదా` సినిమాతో మెగా ప్రిన్స్ వ‌రుణ్ తేజ్‌ కి బ్లాక్‌ బ‌స్ట‌ర్ ఇచ్చి తిరిగి ఫామ్‌ లోకి వ‌చ్చిన క‌మ్ముల ప్ర‌స్తుతం వేరొక భారీ చిత్రానికి స‌న్నాహాలు చేస్తున్నారు. ఈసారి అంతా కొత్త కుర్రాళ్ల‌తోనే ఈ సినిమాని ప్లాన్ చేస్తున్నారు. ప్ర‌స్తుతం కాస్టింగ్ సెల‌క్ష‌న్స్ ప్రాసెస్ సాగుతోంది. అయితే ఈ చిత్రంలో చియాన్ విక్ర‌మ్ కుమారుడు ధ్రువ హీరో అంటూ ప్ర‌చారం సాగింది. కానీ క‌మ్ముల నుంచి అధికారికంగా ఎలాంటి క‌న్ఫ‌ర్మేష‌న్ లేదు. క‌మ్ముల‌ కొత్త హీరోల్ని ప‌రిశీలిస్తున్నార‌ని, ఇంకా ఎవ‌రినీ ఫైన‌ల్ చేయ‌లేదని ప్ర‌చారం సాగుతోంది. అయితే క‌మ్ముల నిర్ధేశ‌నంలో ధ్రువ టాలీవుడ్ లో ప్ర‌వేశిస్తే బావుంటుంద‌ని చియాన్ విక్ర‌మ్ భావిస్తున్నారంటూ వేరొక‌ ప్ర‌చారం ఇటీవ‌ల సాగింది.

అయితే దేనిపైనా స‌రైన క్లారిటీ లేదు. ధ్రువ ఎంపిక‌పై క్లారిటీ  రావాల్సి ఉందింకా. త‌న కొత్త ప్రాజెక్టులో హీరోలు ఎవ‌రు? అన్న‌దానిపై క్లారిటీ ఇచ్చేందుకు తొంద‌ర్లోనే క‌మ్ముల మీడియా ముందుకొస్తున్నార‌ని తెలుస్తోంది. నిన్న‌టికి నిన్న ఏషియ‌న్ సునీల్ నారంగ్ నిర్మాత‌గా కుదిరారన్న ప్ర‌చారం సాగింది. ఈ క్రేజీ ప్రాజెక్ట్ గురించి మ‌రిన్ని అధికారిక అప్‌ డేట్స్ తెలియాల్సి ఉంది.