సాహో రాజమౌళి అంటున్న హాలీవుడ్ డైరెక్టర్

మొన్న రిలీజైన ‘బాహుబలి: ది కంక్లూజన్’ ట్రైలర్ యూట్యూబ్‌లో ఎంతటి ప్రకంపనలు రేపిందో తెలిసిందే. ఈ ట్రైలర్ చూసి సామాన్య ప్రేక్షకులకే కాదు.. పెద్ద పెద్ద ఫిలిం మేకర్స్‌కు సైతం మతి పోయింది. టాలీవుడ్ సెలబ్రెటీలతో పాటు వేరే ఇండస్ట్రీల వాళ్లు కూడా ఈ ట్రైలర్‌‌ పై ప్రశంసల జల్లు కురిపించారు. తాజాగా హాలీవుడ్లో సినిమాలు డైరెక్ట్ చేసిన ఇండియన్ డైరెక్టర్ శేఖర్ కపూర్ కూడా ‘బాహుబలి: ది కంక్లూజన్’ ట్రైలర్‌ ను పొగిడాడు. ‘‘వావ్.. రాజమౌళీ. నువ్వు ఇండియన్ సినిమాను గొప్ప ఎత్తులకు తీసుకెళ్తున్నావు. ‘బాహుబలి-2’ ట్రైలర్ బ్రిలియంట్’’ అని కితాబిచ్చాడు శేఖర్ కపూర్.

‘బాహుబలి: ది బిగినింగ్’ రిలీజైన టైంలోనూ రాజమౌళిని శేఖర్ పొగిడాడు. అతణ్ని చూసి బాలీవుడ్ డైరెక్టర్లు నేర్చుకోవాల్సింది చాలా ఉందని.. అతడిలాగా మీరెందుకు సినిమాలు చేయరని అన్నాడు శేఖర్. మరోవైపు బాలీవుడ్ టాప్ క్రిటిక్స్ సైతం ‘ది కంక్లూజన్’ ట్రైలర్ గురించి గొప్పగా మాట్లాడారు. ‘‘రాజమౌళి జీనియస్. మాస్టర్ స్టోరీ టెల్లర్. ఎంటర్టైనర్లకు ఎంపరర్’’ అని ట్రైలర్ చూసిన అనంతరం తరణ్ ఆదర్శ్ వ్యాఖ్యానించాడు. రాజీవ్ మసంద్ ట్రైలర్ గురించి స్పందిస్తూ.. ‘‘ఈ రోజు అద్భుతంగా ముగిసింది. నా మతిపోయింది’’ అని ట్వీట్ చేశాడు. ఇక అనుపమ చోప్రా స్పందిస్తూ.. ‘‘ప్రేమ.. యుద్ధం.. చావు.. ఇంతకంటే ఏం కావాలి’’ అని పేర్కొంది. మరోవైపు తమిళ హీరోలు సూర్య, మాధవన్ సహా చాలామంది ఈ ట్రైలర్‌ను ఆకాశానికెత్తేశారు. వాళ్లందరికీ రాజమౌళి పర్సనల్‌గా ట్విట్టర్లో రిప్లై ఇస్తూ థ్యాంక్స్ చెప్పాడు.

Like Us on Facebook : https://www.facebook.com/Tupakidotcom/