వీడియో సాంగ్: తాప్సీతో సేతుప‌తి స‌రిగ‌మ‌లు బావున్నాయ్

మక్కల్ సెల్వన్ విజయ్ సేతుపతి న‌టించిన తాజా చిత్రం `అనబెల్ అండ్ సేతుపతి`. ఇందులో తాప్సీ ప‌న్ను క‌థానాయిక‌గా న‌టిస్తోంది. ప్యాషన్ స్టూడియోస్ 8 బ్యానర్ పై సుధాన్ సుందరం- జి జయరాం నిర్మిస్తున్నారు. దీపక్ సుందరరాజన్ ఈ సినిమాకు దర్శకుడు. ఇంత‌కుముందు ఈ సినిమా రిలీజ్ తేదీని ప్ర‌టించారు. సెప్టెంబర్ 17 హాట్ స్టార్ డిస్నీలో నేరుగా విడుదల కానుందని నిర్మాత‌లు ప్ర‌క‌టించారు. అనబెల్ & సేతుపతి ఫస్ట్ లుక్ పోస్టర్ లో విజయ్ సేతుపతి- తాప్సీ జంట మార్మిక‌మైన లుక్ ఆక‌ట్టుకుంది.

పురాత‌న బంగ్లా క‌థేమిటో క్యూరియాసిటీ ని పెంచింది. ఇందులో థ్రిల్లర్ అంశాలు అల‌రిస్తాయ‌ని అర్థ‌మైంది. అన‌బెల్లె ప్ర‌ఖ్యాత హాలీవుడ్ హార‌ర్ ఫ్రాంఛైజీ. అదే త‌ర‌హాలో హార‌ర్ థ్రిల్ల‌ర్ మోడ్ లో ఉంటుందా? అన్న‌ది ఆస‌క్తిని క‌లిగించింది. తాజాగా ఈ సినిమా నుంచి దేవి న‌డ‌యాడే పాట రిలీజైంది. ఈ పాట ఆద్యంతం తాప్సీ కాస్ట్యూమ్స్ ఎంపిక హెయిర్ డిజైన్ ప్ర‌తిదీ ఆస‌క్తిని క‌లిగించాయి. సేతుప‌తి మ‌హారాజా త‌ర‌హా గెట‌ప్ లో భారీ కాస్ట్యూమ్స్ తో క‌నిపిస్తూ ఆకట్టుకుంటున్నారు. ఇక పురాత‌న మైన కోట‌ల్లో క‌ళాత్మ‌క భ‌వంతుల్లో సాంగ్ ఆద్యంతం తెర‌కెక్కించిన తీరు ఆక‌ట్టుకుంది. 1947 నాటి జ‌మీందారీ వంశ‌పు క‌థాంశంతో ఈ సినిమా తెర‌కెక్కింద‌ని అర్థ‌మ‌వుతోంది. ముఖ్యంగా తాప్సీతో సేతుప‌తి రొమాన్స్ ఆద్యంతం ర‌క్తి క‌ట్టిస్తోంది.

యోగిబాబు - జ‌గ‌ప‌తిబాబు- రాజేంద్ర‌ప్ర‌సాద్- రాధిక‌ త‌దిత‌రులు ఈ చిత్రంలో న‌టించారు. ఇండియ‌న్ క‌ల్చ‌ర్ అండ్ హెరిటేజ్ ఆద్యంతం ఈ పాట‌లో అద్భుతంగా క‌నిపిస్తోంది. ఓవ‌రాల్ గా ఈ మెలోడీ ఆక‌ట్టుకుంది. సినిమా తెలుగు ఆడియెన్ ని ఏమేర‌కు మెప్పిస్తుందో చూడాలి.


Full View