షాహిద్ కపూర్ కు ఓ చిన్నారి పుట్టి దాదాపు ఐదు నెలలు కావస్తోంది. గతేడాది ఆగస్ట్ నెలలోనే షాహిద్ కు కూతురు పుట్టింది. అయితే.. ఇప్పటివరకూ ప్రపంచానికి ఆ పసిపాపను చూపించకుండా జాగ్రత్తపడ్డాడు ఈ బాలీవుడ్ హీరో. రీసెంట్ గా కూతురుతో పాటు వస్తుండగా ఫోటో తీసేందుకు ప్రయత్నించిన ఫోటోగ్రాఫర్లను కసురుకున్నాడు కూడా.
ఇప్పుడు తన కూతురు మిషాను ప్రపంచానికి చూపించాడు షాహిద్ కపూర్. అమ్మ మీద బజ్జుని పోజ్ ఇస్తున్న ఈ బుజ్జాయి ఫోటోతో ద్వారా.. తన కూతురును పరిచయం చేశాడు షాహిద్ కపూర్. కూతురును ఆప్యాయంగా ముద్దాడుతోంది షాహిద్ భార్య మీరా రాజ్ పుత్. ఎంతో అందంగా పాలుగారుతున్న బుగ్గలతో ఉన్న మిషా ఫోటో.. అందరినీ ఆకట్టుకుంటోంది. షాహిద్ కపూర్ ఫ్యాన్స్ అయితే.. సోషల్ మీడియా ద్వారా కృతజ్ఞతలతో పాటు అభినందనలు కూడా తెలుపుతున్నారు.
కొన్ని నెలల పాటు దాచిపెట్టి ఎట్టకేలకు తన కూతురును చూపించిన షాహిద్.. త్వరలో రంగూన్ మూవీతో ప్రేక్షకుల ముందుకు రాబోతోన్నాడు. ఈ పీరియాడికల్ మూవీలో కంగనాతో రొమాన్స్ చేయనున్న షాహిద్.. సంజయ్ లీలా భన్సాలీ రూపొందిస్తున్న పద్మావతి చిత్రంలోను లీడ్ కేరక్టర్ చేస్తున్నాడు.
Like Us on Facebook : https://www.facebook.com/Tupakidotcom/