రయీస్ తో గురుడు మారిపోయినట్లే

ఇప్పటివరకు సూపర్ స్టార్ షారూఖ్‌ ఖాన్ చాలా తిట్లే తిన్నాడు. అసలు మనోడు చెన్నయ్ ఎక్స్ ప్రెస్.. హ్యాపీ న్యూ ఇయర్.. దిల్ వాలే వంటి సినిమాలను చేస్తుంటే అభిమానుల గుండె తరుక్కపోయింది. ఒక ప్రక్కన సల్మాన్ ఖాన్ కమర్షియల్ సినిమాలు చేస్తూనే బజరంగీ భాయిజాన్ వంటి కథలతో ఆకట్టుకుంటుంటే.. అదే తరహాలో అక్షయ్ కుమార్ కూడా ఎప్పటికప్పుడు బేబి.. ఎయిర్ లిఫ్ట్ వంటి సినిమాలతో దిశభక్తి చాటుకుంటున్నాడు. ఇక అమీర్‌ ఖాన్ అయితే తనదైన పంథాలో విపరీతంగా ఇంప్రెస్ చేస్తున్నాడు.

అందుకే ఇప్పుడు షారూఖ్‌ ఖాన్ కూడా రూటు మార్చుకోక తప్పలేదు. చూస్తుంటే రయీస్ సినిమాతో రూటును పూర్తిగా మార్చేశాడనే అనిపిస్తోంది. ఒక కాన్సెప్టును తీసుకుని.. దానికి స్ర్టిక్ట్ గా అతుక్కపోయి ఈ సినిమాను రూపొందించాడు షారూఖ్. సినిమాలో గుజరాత్ లో ప్రొహిబిషన్ బ్యాక్ డ్రాప్ లో జరిగే మద్యం దందా.. చాలా అద్భుతంగా చూపించాడనే చెప్పాలి. చివరకు అసలు షారూఖ్‌ ఖాన్ క్యారెక్టర్ పోలీసు ఎన్ కౌంటర్ లో చనిపోవడం అనే భారీ ఫీటును కూడా చేశాడంటే.. మనోడు పూర్తిగా మారిపోయాడనే అనుకోవాలి. వరుసగా మసాలా సినిమాలు తీసి బోర్ కొట్టేసిందని.. ఇప్పుడు అన్నీ కూడా కొత్తగా తీస్తానని షారూఖ్‌ చెబుతుంటే.. అదేదో వింతా అనిపించింది. కాని రయీస్ చూస్తే మాత్రం అది నిజం అని ఒప్పుకోవాల్సిందే.

Like Us on Facebook : https://www.facebook.com/Tupakidotcom/