రూమర్స్ పై శంకర్ విప్పిన సీక్రెట్

రజినీకాంత్ హీరోగా రూపొందుతున్న లేటెస్ట్ మూవీ 2.0. బ్లాక్ బస్టర్ మూవీ రోబోకు సీక్వెల్ గా తెరకెక్కుతున్న ఈ చిత్రాన్ని.. 400 కోట్లకు పైగా భారీ బడ్జెట్ తో రూపొందిస్తోంది నిర్మాణ సంస్థ లైకా ప్రొడక్షన్స్. ట్యాలెంటెడ్ డైరెక్టర్ శంకర్ తెరకెక్కిస్తున్న సినిమా కావడంతో.. లెక్క ఎక్కువైనా పర్లేదు కానీ.. తక్కువ కాకుండా చూస్తున్నారు.

ఈ సినిమాపై రకరకాల పుకార్లు ఇప్పటికే చాలా షికారు చేసేశాయి. ఇప్పుడు కూడా ఓ హాట్ గాసిప్ చక్కర్లు కొట్టేస్తోంది. 2.0 మూవీలో రజినీకాంత్ ఐదు రకాల గెటప్స్ తో కనిపించనున్నారన్నది దీని సారాంశం. చిట్టి రోబో.. సైంటిస్ట్ వశీకరణ్ లతో పాటు విలన్ రోబో.. మరో రెండు గెటప్స్ ఉంటాయని చెబుతున్నారు. రజినీ 5 గెటప్స్ లో కనిపిస్తే.. విలన్ గా నటిస్తున్న అక్షయ్ కుమార్ ఏకంగా 12 గెటప్స్ లో కనపిస్తాడన్నది టాక్. అయితే.. ఈ రూమర్స్ పై ఇప్పుడు దర్శకుడు శంకర్ స్పందించాడు.

తమ చిత్రంపై వస్తున్న వార్తలన్నీ రూమర్స్ మాత్రమేనని.. ఇలాంటివేవీ ఉండబోవని తేల్చేశాడు శంకర్. 2.0 చిత్రంపై తామే అన్ని అప్ డేట్స్ ఇస్తామని.. ఇలాంటివేమీ నమ్మాల్సిన పని లేదని శంకర్ ఉవాచ. ఇక ఈ ప్రతిష్టాత్మక చిత్రాన్ని ఈ ఏడాది దీపావళి సందర్భంగా రిలీజ్ చేయడానికి సన్నాహాలు జరుగుతుండగా.. మరికొన్ని రోజుల్లో ప్యాచ్ వర్క్ కూడా పూర్తి చేసేసి.. షూటింగ్ కి గుమ్మడికాయ కొట్టేయనున్నారు.

Like Us on Facebook : https://www.facebook.com/Tupakidotcom/