రోబో-2లో ఆర్నాల్డ్ ష్వార్జ్ నెగ్గర్ ను నటింపజేసి ఇండియన్ సినిమాను మరో మెట్టు ఎక్కించేద్దామని చూశాడు ఏస్ డైరెక్టర్ శంకర్. కానీ ఈ సినిమాలో నటించడానికి ఆర్నాల్డ్ పెట్టిన షరతులతో శంకర్ తో పాటు నిర్మాతలకు కూడా దిమ్మదిరిగిపోయింది. దీంతో ఓ ఇండియన్ యాక్టర్నే రజినీ మందు నిలబెట్టడానికి ప్రయత్నిస్తున్నాడు శంకర్. ఓ వైపు షూటింగ్ కూడా మొదలైపోయింది కానీ.. ఇంకా రోబో-2 విలన్ ఎవరన్నది మాత్రం డిసైడవ్వలేదు. గతంలో విక్రమ్ - అమీర్ ఖాన్ ల పేర్లు వినిపించాయి కానీ.. ప్రస్తుతానికి వాళ్లెవరూ శంకర్ మనసలో లేరట.
ముగ్గురు బాలీవుడ్ నటుల చుట్టూ శంకర్ ఆలోచనలు తిరుగుతున్నట్లు వార్తలొస్తున్నాయి. అందులో మొదటి పేరు హృతిక్ రోషన్ ది వినిపించింది. ఐతే శంకర్ అడిగినట్లు బల్క్ డేట్లు హృతిక్ ఇచ్చే అవకాశాలు తక్కువే. మరోవైపు తమిళ సినిమా ‘కత్తి’లో నటించిన మరో బాలీవుడ్ నటుడు నీల్ నితిన్ ముకేశ్ పేరు కూడా పరిశీలనలో ఉంది. తాజాగా స్టార్ హీరో అక్షయ్ కుమార్ పేరు కూడా చర్చల్లోకి వస్తోంది. వీరిలో అక్షయ్ కుమారే ఫైనలైజ్ అయ్యే అవకాశాలున్నట్లు కోలీవుడ్ మీడియాలో వార్తలొస్తున్నాయి. మరి ఈ ముగ్గురిలో ఎవరు రజినీని ఢీకొంటారో చూడాలి.
ముగ్గురు బాలీవుడ్ నటుల చుట్టూ శంకర్ ఆలోచనలు తిరుగుతున్నట్లు వార్తలొస్తున్నాయి. అందులో మొదటి పేరు హృతిక్ రోషన్ ది వినిపించింది. ఐతే శంకర్ అడిగినట్లు బల్క్ డేట్లు హృతిక్ ఇచ్చే అవకాశాలు తక్కువే. మరోవైపు తమిళ సినిమా ‘కత్తి’లో నటించిన మరో బాలీవుడ్ నటుడు నీల్ నితిన్ ముకేశ్ పేరు కూడా పరిశీలనలో ఉంది. తాజాగా స్టార్ హీరో అక్షయ్ కుమార్ పేరు కూడా చర్చల్లోకి వస్తోంది. వీరిలో అక్షయ్ కుమారే ఫైనలైజ్ అయ్యే అవకాశాలున్నట్లు కోలీవుడ్ మీడియాలో వార్తలొస్తున్నాయి. మరి ఈ ముగ్గురిలో ఎవరు రజినీని ఢీకొంటారో చూడాలి.