సాయిప‌ల్ల‌వికి దిష్టి తీసేశాడు!

గ‌త కొంత‌కాలంగా `ఫిదా` బ్యూటీ సాయి ప‌ల్ల‌వి గురించి టాలీవుడ్ స‌ర్కిల్స్‌లో ఆస‌క్తిక‌ర చ‌ర్చ సాగింది. ఈ అమ్మ‌డు యారొగెంట్‌. అంద‌రితోనూ గొడ‌వ పెట్టుకుంటుంది. హీరోల‌తో సాయి ప‌ల్ల‌వికి అస్స‌లు పొస‌గ‌దు! అంటూ టాక్ న‌డిచింది. అప్ప‌ట్లో నాగ‌శౌర్య‌తో సాయి ప‌ల్ల‌వి గొడ‌వ ప‌డింద‌ని, అంత‌కుముందు దిల్ రాజు లాంటి అగ్ర నిర్మాత‌తో లొల్లు పెట్టుకుంద‌ని చెప్పుకున్నారు. సాయి ప‌ల్ల‌విని టార్గెట్ చేస్తూ బోలెడంత నెగెటివ్ ప‌బ్లిసిటీ సాగింది.

అయితే అన్నిటికీ శ‌ర్వానంద్ చెక్ పెట్టేశాడు. నేటి సాయంత్రం శిల్ప‌క‌ళా వేదిక‌లో జ‌రిగిన `ప‌డి ప‌డి లేచే మ‌న‌సు` ప్రీరిలీజ్ ఈవెంట్‌లో సాయి ప‌ల్ల‌వికి ఎవ‌రూ ఊహించ‌ని స‌ర్టిఫికెట్ ఇచ్చేశాడు శ‌ర్వా. ``చాలా మంది చాలా చెప్పే ఉంటారు .. అదంతా సోది.. ఇంత‌కంటే డెడికేష‌న్ తో చేసే వాళ్లెవ‌రూ ఉండ‌రు.. అవ‌న్నీ మ‌ర్చిపోండి.. `` అంటూ సాయి ప‌ల్ల‌వి దిష్టి అంతా తీసేశాడు శ‌ర్వా. మొత్తానికి అప్ప‌ట్లో సెట్స్ లో శ‌ర్వాతో సాయి ప‌ల్ల‌వి గొడ‌వ ప‌డింద‌ని వచ్చిన వార్త‌ల్లో ఎలాంటి నిజం లేద‌ని, అదంతా కావాల‌ని పుట్టించిన పుకారేన‌ని చెప్ప‌క‌నే చెప్పాడు.

అంతేకాదు .. గ‌త కొన్ని రోజులుగా త‌న సినిమా ప్ర‌మోష‌న్ కార్య‌క్ర‌మాల్లోనూ సాయి ప‌ల్ల‌వి లాంటి స్వీట్ గాళ్  వేరొక‌రు ఉండ‌ర‌ని, త‌న‌తో క‌లిసి ప‌దే ప‌దే న‌టించాల‌నుంద‌ని తెగ పొగిడేస్తున్నాడు. మొత్తానికి నాగ‌శౌర్య వెర్ష‌న్ ఒక‌లా ఉంటే, అందుకు పూర్తి ఆపోజిట్ వెర్ష‌న్ చెప్పి శ‌ర్వా పెద్ద కౌంట‌రే వేశాడు. సాయి ప‌ల్ల‌వి గురించి నాగ‌శౌర్య ఫిర్యాదు లో అస‌లు  ఏ నిజం లేద‌ని వేదిక పైనే తేల్చేశాడు. అవ‌న్నీ ఎవ‌రూ న‌మ్మొద్ద‌ని అన్నాడు. శ‌ర్వా చేసిన ఆ కామెంట్‌తో ఆ ఇద్ద‌రి మ‌ధ్యా.. అస‌లింత‌కీ ఈ ఇద్ద‌రి మ‌ధ్యా ఇంకేం జ‌రుగుతోంది? అంటూ ప్ర‌స్తుతం అభిమానుల్లో ఆస‌క్తిక‌ర చ‌ర్చ సాగుతోంది.