ఫస్ట్ లుక్: మనోజ్‌.. రెజీనా.. ''శౌర్య''

మంచు మనోజ్ కుమార్ కి కొత్తగా ట్రై చేయడం అంటే చాలా ఇష్టం. తన ప్రతీ సినిమాలోను కొత్త లుక్ ని పరిచయం చేసేందుకు తాపత్రయ పడుతుంటాడు. ఇప్పటివరకు తను కనిపించని క్లాస్ లుక్ తో కొత్త మూవీ శౌర్యలో కనిపించనున్నాడు మంచు వారబ్బాయి. క్లాస్ చిత్రాల దర్శకుడిగా గుర్తింపు పొందిన దశరధ్ డైరెక్షన్ లో రూపొందుతున్నఈ చిత్రానికి ఫస్ట్ లుక్ రిలీజ్ చేశారు. ఏ థ్రిల్లింగ్ లవ్ స్టోరీ అంటూ టైటిల్ లోనే మెన్షన్ చేశారు.

ఈ మధ్యకాలంలో వరుసగా మాస్‌ సినిమాలు చేస్తున్న మనోజ్‌.. ఇప్పుడు ఏదో కొత్తగా చేయాలని ప్రయత్నించినట్లు ఫస్టు లుక్‌ చూస్తేనే అర్ధమైపోతోంది. ఎందుకంటే సినిమాలో మొత్తంగా మనోడు ఇలా ఫార్మల్‌ లుక్‌ లోనే ఉంటాడట. అంటే ఏదో ఐబిఎం మైక్రోసాఫ్ట్‌ వంటి కంపెనీల్లో సాఫ్టువేర్‌ ఇంజనీర్‌ గా పనిచేస్తున్నాడనమాట. మరి ఇతగాడికి దశరథ్‌ మార్కు ఫ్యామిలీ లవ్‌ స్టోరీ అంటే బీభత్సమే. పైగా నటనలో ఒక స్టయిల్లో కుమ్మేసే డస్కీ సంద్రం రెజీనా కసాండ్రా కూడా ఉండటం ఇంకో అడ్వాంటేజ్‌.

ఇక పక్కన ఫుల్‌ గా గెడ్డం పెంచేసి 'ఎటాక్‌' అంటూ షాకిచ్చిన మనోజ్‌ ఇప్పుడు 'శౌర్య'తో కూడా క్లీన్ లుక్‌ ను బాగా పోట్రే చేసి అలాంటి షాకే ఇచ్చాడు.