టాలీవుడ్ లో అక్కినేని నాగార్జునకు ఉన్న ఇన్ ఫ్లూయెన్స్ ఏంటన్నది కొత్తగా చెప్పాల్సిన పని లేదు. హీరోగా ఆయనకో రేంజి ఉంది. నిర్మాతగానూ ఆయన పవర్ ఫుల్. అలాంటి వాడు తన సినిమాల్ని సాధారణంగా 600 థియేటర్లలో రిలీజ్ చేస్తుంటామని చెప్పాడు. మొన్న సంక్రాంతికి థియేటర్ల కొరత వల్ల ‘సోగ్గాడే చిన్నినాయనా’ 500 థియేటర్లలోనే విడుదలైంది. సినిమాకు మంచి టాక్ రావడంతో తర్వాత థియేటర్ల సంఖ్య పెరిగిన మాట వాస్తవమే అనుకోండి. ఈ సంగతలా ఉంచితే మార్చి 4న ప్రేక్షకుల ముందుకు రాబోతున్న మంచు మనోజ్ సినిమా ‘శౌర్య’ను ప్రపంచవ్యాప్తంగా వెయ్యి థియేటర్లలో రిలీజ్ చేస్తున్నారట. స్వయంగా నిర్మాతే ఈ సంగతి వెల్లడించాడు.
“ప్రపంచ వ్యాప్తంగా దాదాపు వెయ్యి థియేటర్లలో మా శౌర్య సినిమాను రిలీజ్ చేస్తున్నాం. డిస్ట్రిబ్యూటర్లు - బయ్యర్లు ఫాన్సీ రేట్లకు సినిమాని కొన్నారు. అందరికీ లాభాలు రావాలని ఆశిస్తున్నా” అని మాల్కాపురం శివకుమార్ చెప్పాడు. మంచు ఫ్యామిలీ చేతిలో పెద్ద సంఖ్యలో థియేటర్లుండటం వల్లే ఆ కుటుంబ కథానాయకుల సినిమాలకు పెద్ద ఎత్తున థియేటర్లు దొరుకుతుంటాయి. మనోజ్ గత సినిమా ‘కరెంటు తీగ’ సైతం 800కు పైగా థియేటర్లలో రిలీజవడం విశేషం. ‘శ్రీ’ తర్వాత దశరథ్, మనోజ్ కాంబినేషన్లో వస్తున్న సినిమా ‘శౌర్య’. రెజీనా కథానాయిక. ప్రకాష్ రాజ్ కీలక పాత్ర పోషిస్తున్నాడు. మామూలుగా ఫ్యామిలీ ఎంటర్టైనర్స్ తీసే దశరథ్ ఈసారి రొమాంటిక్ థ్రిల్లర్ ట్రై చేయడం విశేషం. స్టార్ రైటర్ గోపీ మోహన్ ఈ చిత్రానికి స్క్రిప్టు సమకూర్చాడు.
“ప్రపంచ వ్యాప్తంగా దాదాపు వెయ్యి థియేటర్లలో మా శౌర్య సినిమాను రిలీజ్ చేస్తున్నాం. డిస్ట్రిబ్యూటర్లు - బయ్యర్లు ఫాన్సీ రేట్లకు సినిమాని కొన్నారు. అందరికీ లాభాలు రావాలని ఆశిస్తున్నా” అని మాల్కాపురం శివకుమార్ చెప్పాడు. మంచు ఫ్యామిలీ చేతిలో పెద్ద సంఖ్యలో థియేటర్లుండటం వల్లే ఆ కుటుంబ కథానాయకుల సినిమాలకు పెద్ద ఎత్తున థియేటర్లు దొరుకుతుంటాయి. మనోజ్ గత సినిమా ‘కరెంటు తీగ’ సైతం 800కు పైగా థియేటర్లలో రిలీజవడం విశేషం. ‘శ్రీ’ తర్వాత దశరథ్, మనోజ్ కాంబినేషన్లో వస్తున్న సినిమా ‘శౌర్య’. రెజీనా కథానాయిక. ప్రకాష్ రాజ్ కీలక పాత్ర పోషిస్తున్నాడు. మామూలుగా ఫ్యామిలీ ఎంటర్టైనర్స్ తీసే దశరథ్ ఈసారి రొమాంటిక్ థ్రిల్లర్ ట్రై చేయడం విశేషం. స్టార్ రైటర్ గోపీ మోహన్ ఈ చిత్రానికి స్క్రిప్టు సమకూర్చాడు.