ఈ ముసుగు సుందరిని గుర్తుపట్టండి

మొహం మొత్తం బురఖా తరహాలో ముసుగు కప్పుకుని కళ్ళకు సైతం గాగుల్స్ పెట్టుకుని తానెవరో చెప్పుకోండి చూద్దాం అంటున్న బాలీవుడ్ హీరొయిన్ ని గుర్తు పట్టారా. ప్రభాస్ వీర ఫాన్స్ అయితే కనుక్కోవడానికి ఓ ఛాన్స్ ఉంది. ఎందుకంటే తమ హీరో పక్కన క్రేజీ యాక్షన్ మూవీలో నటిస్తున్న హీరొయిన్ కాబట్టి. తట్టేసిందా. అవును తను శ్రద్ధా కపూరే. హింది సినిమా బత్తి గుల్ మీటర్ చాలు షూటింగ్ కోసం హిమాచల్ ప్రదేశ్ - ఉత్తరాఖండ్ లో జర్నీలో ఉన్న తన ఫోటోను ఫాన్స్ కోసం షేర్ చేసుకుంది. మూడ్ చాలా అతీతంగా ఉంది అంటూ ఫోటోకు క్యాప్షన్ పెట్టిన శ్రద్ధా తనను ఎవరు గుర్తుపట్టకుండా ఈ ఏర్పాటు చేసుకుంది. షాహిద్ కపూర్ హీరోగా నటిస్తున్న ఈ సినిమాకు టాయిలెట్ ద్వారా అందరి ప్రశంశలు అందుకున్న శ్రీనారాయణ్ దర్శకత్వం వహించడం విశేషం. ఆగస్ట్ లో విడుదల ప్లాన్ చేసిన ఈ మూవీ షూటింగ్ ప్రస్తుతం చివరి స్టేజిలో చాలు

సామాన్యులను అధిక కరెంట్ బిల్లులతో మోతెక్కించే పవర్ డిస్ట్రిబ్యూషన్ కంపెనీలను టార్గెట్ గా చేసుకుని రూపొందుతున్న ఈ మూవీలో షాహిద్ కపూర్ లాయర్ గా నటిస్తుండగా శ్రద్ధా కపూర్ ఆ దగా వల్ల నష్టపోయిన బాధితురాలిగా కనిపించబోతోంది. సాహోలో ప్రభాస్ సరసన యాక్షన్ కు ప్రాధాన్యం ఉన్న పాత్రను దక్కించుకున్న శ్రద్ధా కపూర్ ఇది తనకు పర్ఫెక్ట్ టాలీవుడ్ డెబ్యు అని బలంగా నమ్ముతోంది. 200 కోట్లకు పైగా భారీ బడ్జెట్ తో రూపొందుతోందని చెప్పబడుతున్న సాహో కీలకమైన షెడ్యూల్ కోసం దుబాయ్ వెళ్ళాల్సి ఉంది. విడుదల విషయంలో ఇంకా సందిగ్ధత నెలకొని ఉంది.  షూటింగ్ చాలా బాలన్స్ ఉండటంతో పాటు సిజె వర్క్ కూడా చాలా అవసరం ఉండటంతో ఆలస్యం జరిగే అవకాశం ఉంది. యూనిట్ నుంచి దీనికి సంబంధించిన అప్ డేట్ రావాల్సి ఉంది. సాహోలో శ్రద్ధా కపూర్ పాత్ర గురించి విలన్ నీల్ నితీష్ ప్రత్యేకంగా ప్రశంశలు గుప్పించడం తన మీద అంచనాలు మరింత పెంచేస్తోంది.