ఈమెను చూస్తే భయం వెయ్యడం గ్యారంటీ

సోనాక్షి సిన్హా లాంటి అందగత్తెను చూస్తే.. అబ్బాయిలకు రకరకాల ఫీలింగ్స్ రావాలి.. అమ్మాయిలకైతే కుళ్లు పుట్టాలి. కానీ ఆ ముద్దుగుమ్మను చూస్తే భయం వేసేలా తయారు చేశాడు దర్శకుడు మురుగదాస్. భయం అంటే మళ్లీ వికృతమైన మేకప్ లు వేసి.. దెయ్యాలుగా తయారు చేసి కాదు.. సోనాక్షిని అలాగే చూపిస్తూ కూడా భయపెట్టేశాడు.

సెప్టెంబర్ 2న 'అకీరా' అనే మూవీతో ప్రేక్షకుల ముందుకు వస్తోంది సోనాక్షి సిన్హా. ఓ తమిళ్ మూవీకి రీమేక్ గా రూపొందగా.. ఇందులో సోనాక్షి చేసిన ఫైటింగ్స్ చూస్తే మతి పోవాల్సిందే. ట్రైలర్ లోనే అదరగొట్టేసిన ఈ భామ.. అలాంటి ఫైటింగ్స్ కు ఎలా ప్రిపేర్ అయిపోయిందో ఇప్పుడు తెలిసిపోయింది. సోనాక్షి ప్రిపరేషన్ ను.. అకీరా మేకింగ్ ను కలిపి ఓ వీడియో రిలీజ్ చేయగా.. ఇందులో అమ్మడి స్టంట్స్ ప్రాక్టీస్ చూస్తే నోరెళ్లబెట్టాల్సిందే.

కొత్తగా సినిమా చేస్తున్నాం.. కొత్తగా ట్రై చేస్తున్నాం.. ఇలాంటి మాటలు వినడం జనాలకు అలవాటే కానీ.. అలా కొత్తగా చూపించే అలవాటు మూవీ మేకర్స్ ఉండదు. అకీరా మేకింగ్ ను చూశాక ఎవరైనా సరే ఈ ఒపీనియన్ మార్చేసుకోవాలి. ఒక సినిమా కోసం ఆ రేంజ్ లో కష్టపడిపోయింది. పల్టీలు కొట్టడం.. మనిషి హైట్ కి మించి కాలు లేపి తన్నడం.. అబ్బో.. చెప్పాలంటే చాలానే స్టోరీ ఉంటుంది. దానికి బదులు.. ఆ వీడియోని ఓ లుక్ వేయండి. అకీరా మేకింగ్ చూశాక.. సోనాక్షి పడ్డ కష్టం చూస్తే.. భయం వెయ్యడం మాత్రం గ్యారంటీ.
Full View