జక్కన్న నుండి ప్రత్యేక శుభాకాంక్షలు

టాలీవుడ్‌ జక్కన్న రాజమౌళి ఈమద్య కాలంలో సోషల్‌ మీడియాలో చాలా తక్కువగా ఉంటున్నాడు. ఆయన తన పూర్తి దృష్టి ఆర్ ఆర్‌ ఆర్‌ సినిమాపైనే పెట్టాడు. చాలా ముఖ్యమైన సందర్బాల్లో మాత్రమే ఆయన నుండి ట్వీట్స్ వస్తున్నాయి. తాజాగా ఆయన బాలీవుడ్ హీరో అజయ్ దేవగన్‌ గురించి ట్వీట్ చేశాడు. హీరోగా అజయ్ దేవగన్‌ ఇండస్ట్రీలో అడుగు పెట్టి 30 ఏళ్లు అయ్యింది. ఈ సందర్బంగా ఆయన అభిమానులు సోషల్‌ మీడియాలో సందడి చేస్తున్నారు. బాలీవుడ్‌ లో ఆయన జెర్సీ అద్బుతంగా సాగింది అనడంలో సందేహం లేదు. ఎన్నో సూపర్‌ డూపర్‌ హిట్స్ ను దక్కించుకుని సూపర్‌ స్టార్‌ గా నిలిచాడు.

అలాంటి బాలీవుడ్ సూపర్‌ స్టార్‌ 30 ఏళ్ల సినీ ప్రస్థానం పూర్తి అయిన సందర్బంగా రాజమౌళి స్పందిస్తూ మీరు మరెన్నో విజయాలను దక్కించుకోవాలని కోరుకుంటున్నాము. మీ జీవితంలో మరిన్ని విజయాలను దక్కించుకోవడంతో పాటు మీ సినీ ప్రస్థానం అద్వితీయంగా సాగాలని ఆశిస్తున్నట్లుగా ట్వీట్‌ చేశాడు. మక్కీ మరియు ఆర్ ఆర్‌ ఆర్‌ సినిమా కోసం మీతో వర్క్ చేసే అవకాశం రావడం అదృష్టంగా భావిస్తున్నాను అంటూ రాజమౌళి ట్వీట్ లో పేర్కొన్నాడు.

ఇక రాజమౌళి ఆర్ ఆర్‌ ఆర్ లో అజయ్ దేవగన్‌ కు ఏ పాత్రను ఇచ్చాడు అంటూ అంతా కూడా ఆసక్తిగా ఉన్నారు. వీరిద్దరి కాంబోలో వచ్చిన సినిమా ఇప్పటికే మంచి విజయాన్ని సొంతం చేసుకుంది కనుక ఈ సినిమా కూడా తప్పకుండా విజయాన్ని అందుకుంటుందనే నమ్మకం వ్యక్తం అవుతోంది. ఆర్ ఆర్‌ ఆర్ తర్వాత కూడా మళ్లీ మళ్లీ వీరిద్దరు కలిసి వర్క్ చేయాలని అభిమానులు మరియు ఇండస్ట్రీ వర్గాల వారు కోరుకుంటున్నారు. మొత్తానికి జక్కన్న చేసిన ఈ ట్వీట్ అందరి దృష్టిని ఆకర్షిస్తోంది.