శర్వాకి కోటి పెట్టి సెట్ చేశారు

సినిమాల కోసం సెట్టింగులు మాముూలే. కానీ ఇప్పుడు వీటి రేంజ్ పెరిగిపోతోంది. కోట్లు ఖరీదు చేసే సెట్స్ వేసి మరీ షూటింగ్స్ చేస్తున్నారు. పాటల కోసం సెట్స్ వేసే రేంజ్ నుంచి.. పలు సన్నివేశాల కోసం.. ఒక్కోసారి టోటల్ గా సినిమాను కూడా సెట్స్ లో పూర్తి చేసేస్తున్న వైనం కనిపిస్తోంది. కానీ ఇవన్నీ భారీ బడ్జెట్ చిత్రాలకే కనిపిస్తుంది.

స్మాల్.. మీడియం రేంజ్ సినిమాలను సేఫ్ జోన్ లో ఉంచడం కోసం.. వీలైనంత వరకూ ఒరిజినల్ లొకేషన్స్ లోనే తీస్తుండడం ఆనవాయితీ. కానీ యంగ్ హీరో శర్వానంద్ సినిమా కోసం ఖరీదైన సెట్ నిర్మాణం ప్రారంభించడం ఇప్పుడు టాలీవుడ్ లో చర్చనీయాంశం అయింది. హైద్రాబాద్ పరిసరాల్లో నిర్మిస్తున్న ఈ సెట్ కోసం.. ఏకంగా కోటి రూపాయలు వెచ్చించి సెట్ నిర్మాణం చేస్తున్నారట. మీడియం రేంజ్ మూవీస్ లో ఇదే రికార్డ్ గా నిలిచిపోతుందనే అంచనాలు వినిపిస్తున్నాయి. ఎందుకంటే ఈ బడ్జెట్ తో ఓ చిన్న సినిమాను పూర్తి చేసే రిలీజ్ చేసేస్తున్నారు కూడా.

అయితే.. స్క్రిప్ట్ డిమాండ్ మేరకే ఇలా కోటి పెట్టి సెట్ వేస్తున్నారని తెలుస్తోంది. సుధీర్ వర్మ దర్శకత్వంలో శర్వానంద్ నటించే చిత్రం షూటింగ్ త్వరలో స్టార్ట్ చేయనున్నారు. ఈ సినిమాలో హీరో గ్యాంగ్ స్టర్ పాత్రలో నటిస్తుండగా.. శర్వాను న్యూ లుక్ లో చూపించబోతున్నారు. హలో ఫేమ్ కళ్యాణి ప్రియదర్శన్ హీరోయిన్ గా యాక్ట్ చేస్తున్న ఈ మూవీలో.. మేజర్ పార్ట్ షూటింగ్ ఈ కోటి రూపాయల సెట్ లోనే జరగనుందని తెలుస్తోంది.