కూతురితో కలిసి అందాల తార తళతళ

అలనాటి అందాల తార శ్రీదేవి.. అప్పుడప్పుడూ కూతుళ్లతో కలిసి కనిపిస్తూనే ఉంటుంది.  ఇప్పుడు అప్పటి అందం లేకపోయినా.. ఆనాటి సౌందర్యం ఆమె మొహంలో తొణికిసలాడుతూ ఉంటుంది. కూతుళ్లతో ఫోటోల్లో కనిపించడం ఈమెకు సహజమే అయినా.. తాజాగా ఓ ఫోటోలో వీరిద్దరూ కనిపించిన తీరు చూస్తే.. మహరాణి-యువరాణి అనిపించాల్సిందే.

తాను హాఫ్ వైట్ డిజైనర్ డ్రస్ లో.. మ్యాచింగ్ హ్యాండ్ బ్యాగ్ తో శ్రీదేవి కనిపించగా.. త్వరలో బాలీవుడ్ అరంగేట్రం చేయనుందనే అంచనాలున్న జాన్వి కపూర్ ని మాత్రం ఓ రేంజ్ లో సిద్ధం చేసింది శ్రీదేవి. బాడీ పెయింట్ టైపు డ్రస్సులో టాప్ టు బాటమ్ అనేక రంగులున్న డిజైనర్ వేర్ లో జాన్వి మిలమిలలాడిపోయింది. పైగా.. ట్రాన్స్ పరెంట్ బాటమ్.. లోపల మోకాలుకి జానెడు పైకి వేసిన ప్యాంట్స్.. అన్నిటికీ మించి జాన్వి మొహంలో కనిపిస్తున్న వెలుగులు చూస్తుంటే.. ఫ్యూచర్ హీరోయిన్ కళలన్నీ కనిపించేస్తున్నాయి.

ఇదంతా ఓ రాజమహల్ లాంటి ఎంట్రన్స్ ముందు కావడంతో.. అమ్మాకూతుళ్ల తళతళలకు మరిన్ని వన్నెలు చేకూరాయి. తనే స్వయంగా పక్కన నుంచుని జాగ్రత్తగా పొదివి పట్టుకుని మరీ పోజులు ఇప్పించడం చూస్తుంటే.. జాన్వి కపూర్ పై శ్రీదేవి ఏ రేంజ్ జాగ్రత్తలు తీసుకోనుందో అర్ధమవుతుంది.


Like Us on Facebook : https://www.facebook.com/Tupakidotcom/