లుక్స్ తో మోసం చేశాడన్న శ్రీదేవి

అలనాటి అందాల తార శ్రీదేవి నటిస్తున్న లేటెస్ట్ మూవీ మామ్. ఇంగ్లీష్ వింగ్లీష్ తో రీ ఎంట్రీ ఇచ్చి సక్సెస్ సాధించిన శ్రీదేవి.. అప్పటి నుంచి ఐదేళ్లు గడిచిపోతున్నా.. సినిమాల విషయంలో మాత్రం సెలెక్టెడ్ గానే ఉంటోంది. తమిళ్ లో విజయ్ మూవీ పులిలో నెగిటివ్ రోల్ ఎంచుకుని ఎదురుదెబ్బ తిన్న శ్రీదేవి.. ఇప్పుడు మామ్ అంటూ ప్రేక్షకుల ముందుకు వస్తోంది.

మామ్ చిత్రంలో ఇప్పటికే శ్రీదేవి ఫస్ట్ లుక్ రిలీజ్ చేయగా.. ఇప్పుడో మరో ప్రధాన పాత్రధారి.. ట్యాలెంటెడ్ ఆర్టిస్ట్ అయిన నవాజుద్దీన్ సిద్దిఖీ కేరక్టర్ ను పరిచయం చేశారు. ఒక పాత్ర కోసం నవాజుద్దీన్ ఏ స్థాయిలో మార్పు చూపించగలడు అనే విషయానికి ఈ పోస్టర్ ఒక నిదర్శనంగా నిలుస్తుంది. బట్టతలతో.. నల్ల కళ్లజోడు పెట్టుకుని.. ముడతలు పడ్డ మొహంతో.. కాసింత ఏజ్డ్ కేరక్టర్ లో కనిపిస్తున్నట్లుగా ఉన్న నవాజుద్దీన్ సిద్దిఖీ.. చూసేందుకు నెగిటివ్ కేరక్టర్ లా అనిపిస్తోంది. నిజానికి ఈ ఆర్టిస్ట్ ను గుర్తుపట్టడం కూడా కష్టంగా మారిపోయేంత మేకోవర్ చేసేశాడు.

అయితే.. శ్రీదేవి స్వయంగా ట్వీట్ చేసిన ఈ పోస్టర్ లో చెప్పిన సంగతులు ఇంకా ఆసక్తిగా ఉన్నాయి. 'కనిపించేవాటిని బట్టి మోసపోవద్దు. లుక్స్ మోసం చేసే అవకాశం ఉంది. మామ్ మూవీలో నవాజుద్దీన్ సిద్దిఖీ లుక్' అంటూ ట్వీట్ చేసింది శ్రీదేవి బోనీ కపూర్.

Like Us on Facebook : https://www.facebook.com/Tupakidotcom/