మరోసారి మహేష్‌ నోట సోడా సెంటర్ మాట

సుధీర్ బాబు హీరోగా కరుణ కుమార్‌ దర్శకత్వంలో రూపొందిన శ్రీదేవి సోడా సెంటర్‌ సినిమా ఇటీవలే ప్రేక్షకుల ముందుకు వచ్చింది. సినిమాకు పాజిటివ్ రెస్పాన్స్ వచ్చంది. సినిమా మంచి వసూళ్లు సాధించాలంటే ప్రస్తుతం ప్రమోషన్ తప్పనిసరి. సినిమా థియేటర్లకు జనాలను తీసుకు రావాలంటే ఇప్పుడు చాలా కష్టతరంగా మారింది. థియేటర్లు ఓపెన్ ఉన్నా కూడా కరోనా భయంతో జనాలు భయపడుతున్న కారణంగా సినిమా ప్రమోషన్స్ ను ఎక్కువగా చేస్తే తప్ప జనాలు వచ్చే పరిస్థితి లేదు. అందుకే ఇటీవల విడుదల అయిన సినిమాలకు సాధ్యం అయినంత ఎక్కువగా పబ్లిసిటీని చేసేందుకు మొగ్గు చూపుతున్నారు.

తాజాగా విడుదల అయిన శ్రీదేవి సోడా సెంటర్ గురించి ఇప్పటికే మహేష్‌ బాబు ట్విట్టర్ ద్వారా స్పందించాడు. తాజాగా మరోసారి సినిమా పై స్పందించాడు. శ్రీదేవి సోడా సెంటర్‌ సినిమా యూనిట్‌ సభ్యులను మహేష్‌ బాబు కలిశాడు. సర్కారు వారి పాట సినిమా షూటింగ్‌ తో బిజీగా ఉన్నా కూడా శ్రీదేవి సోడా సెంటర్ సినిమాను మహేష్ బాబు తన మినీ థియేటర్‌ లో చూశాడు. సినిమాను ఎంజాయ్ చేసినట్లుగా చెప్పుకొచ్చాడు. తప్పకుండా ప్రతి ఒక్కరు ఎంజాయ్ చేసే సినిమా అంటూ మహేష్‌ బాబు అభిప్రాయం వ్యక్తం చేశాడు.

సినిమాలో సుదీర్ బాబు కెరీర్‌ బెస్ట్‌ ఫెర్ఫార్మెన్స్ ను ఇచ్చాడంటూ మహేష్ బాబు కామెంట్స్‌ చేశాడు. హీరోయిన్‌ ఆనంది కూడా సినిమాలోని పాత్ర కు పూర్తి న్యాయం చేశాడు అంటూ అభినందించాడు. మహేష్ బాబు ప్రశంసలతో సినిమా మరోసారి వార్తల్లో నిలవడంతో పాటు అందరి దృష్టిని ఆకర్షిస్తోంది. సినిమా కు ఇప్పటికే మంచి వసూళ్లు నమోదు అవుతున్నాయి. మహష్‌ బాబు మళ్లీ మళ్లీ సినిమాను ప్రమోట్‌ చేయడం వల్ల మంచి వసూళ్లు నమోదు అవుతున్నట్లుగా యూనిట్‌ వర్గాల నుండి సమాచారం అందుతోంది. మొత్తానికి శ్రీదేవి సోడా సెంటర్ ను మహేష్ బాబు తన చేతులతో ఎత్తి మరి అందరికి చేరువ అయ్యేలా చేశాడు.