సీనియర్ హీరో శ్రీకాంత్ కు టాలీవుడ్ లో డిమాండ్ తగ్గిపోయి చాలా కాలమైంది. హీరోగా ఆయన మార్కెట్ బాగా పడిపోయినా.. ఆయన మాత్రం ఆశలు వదులుకోవట్లేదు. ఓవైపు క్యారెక్టర్ రోల్స్ చేస్తూనే.. మరోవైపు హీరోగా సినిమాలు కొనసాగిస్తూనే ఉన్నారు. ఈ మధ్యే ‘మెంటల్ పోలీస్’ అనే సినిమాతో వార్తల్లోకి వచ్చిన శ్రీకాంత్.. దాని కంటే ముందు ఎప్పట్నుంచో వాయిదా పడుతూ వస్తున్న ‘టెర్రర్’ సినిమాను రిలీజ్ చేయాలని ఆశపడుతున్నారు. హోప్, కలవరమాయె మదిలో లాంటి క్లాస్ సినిమాలు డైరెక్ట్ చేసిన సతీశ్ కాశెట్టి ఈ చిత్రాన్ని రూపొందించడం విశేషం.
సినిమా పూర్తయి చాలా కాలమైనా బయ్యర్లలో ఆసక్తి లేకపోవడంతో రిలీజ్ కష్టమవుతూ వచ్చింది. ఐతే ఇప్పుడు ఎలాగోలా ఈ చిత్రాన్ని విడుదలకు సిద్ధం చేశారు. షేక్ మస్తాన్ నిర్మించిన ఈ చిత్రంలో శ్రీకాంత్ పోలీస్ ఆఫీసర్ పాత్రలో కనిపిస్తున్నాడు. వాస్తవానికి ఈ చిత్రం మార్చి 4న విడుదల కావాల్సింది. కానీ ఆ రోజుకు పోటీ ఎక్కువైపోవడంతో ఈ నెల 26కు ప్రిపోన్ చేశారు. పీవీపీ వాళ్ల ‘క్షణం’ సినిమాను కూడా ఇలాగే మార్చి 4 నుంచి వారం ముందుకు జరిపిన సంగతి తెలిసిందే. ఐతే ప్రస్తుతం శ్రీకాంత్ సినిమాలపై జనాల్లో ఉన్న ఆసక్తి ప్రకారం చూస్తే ఈ సినిమాను ఎప్పుడు రిలీజ్ చేసినా పెద్దగా తేడా ఉండదేమో.
సినిమా పూర్తయి చాలా కాలమైనా బయ్యర్లలో ఆసక్తి లేకపోవడంతో రిలీజ్ కష్టమవుతూ వచ్చింది. ఐతే ఇప్పుడు ఎలాగోలా ఈ చిత్రాన్ని విడుదలకు సిద్ధం చేశారు. షేక్ మస్తాన్ నిర్మించిన ఈ చిత్రంలో శ్రీకాంత్ పోలీస్ ఆఫీసర్ పాత్రలో కనిపిస్తున్నాడు. వాస్తవానికి ఈ చిత్రం మార్చి 4న విడుదల కావాల్సింది. కానీ ఆ రోజుకు పోటీ ఎక్కువైపోవడంతో ఈ నెల 26కు ప్రిపోన్ చేశారు. పీవీపీ వాళ్ల ‘క్షణం’ సినిమాను కూడా ఇలాగే మార్చి 4 నుంచి వారం ముందుకు జరిపిన సంగతి తెలిసిందే. ఐతే ప్రస్తుతం శ్రీకాంత్ సినిమాలపై జనాల్లో ఉన్న ఆసక్తి ప్రకారం చూస్తే ఈ సినిమాను ఎప్పుడు రిలీజ్ చేసినా పెద్దగా తేడా ఉండదేమో.