'ఆగ‌డు' ఎఫెక్ట్ లేదనేశాడు!

`పోకిరి` త‌ర్వాత సూప‌ర్ స్టార్ మ‌హేష్ `సైనికుడు` - `అతిధి` - `ఖ‌లేజా` రూపంలో వ‌చ్చిన ప్లాప్‌ ల‌కు ఊపిరాడ‌ని స‌న్నివేశం ఎదురైంది. అప్పుడే మ‌హేష్ కు ఎదుర‌య్యాడు శ్రీనువైట్ల‌. అప్ప‌టికే వైట్ల స‌క్సెస్ ల‌తో ఫుల్ జోష్ లో ఉన్నాడు. ఆ టైమ్‌ లో మ‌హేష్‌ కు  వైట్ల వినిపించిన‌ `దూకుడు` క‌థ‌కు ఒకే చెప్ప‌డం - రొటీన్ గా వెళ్లిపోతున్న సూప‌ర్ స్టార్ ను  కొత్త యాంగిల్ లో చూపించి ఊహించ‌ని స‌క్సెస్ ఇచ్చాడు. శ్రీనువైట్ల శైలి కి - తెలంగాణ యాసను జోడించడంతో  సినిమా బ్లాక్ బ‌స్ట‌ర్ హిట్ అయింది. ఆ హిట్ మహేష్ కు ఊర‌ట‌నివ్వ‌డ‌మే కాకుండా న‌టుడిగా  మ‌రో మెట్టు పైకి ఎక్కించింది.

ఆ త‌ర్వాత మ‌హేష్ న‌టించిన‌ `బిజినెస్ మెన్`  - `సీత‌మ్మ‌వాకిట్లో సిరిమ‌ల్లె చట్లు` సినిమాలు యావ‌రేజ్‌ గా ఆడ‌గా - `వ‌న్ నేనొక్క‌డినే` తో మ‌రో డిజాస్ట‌ర్ ఖాతాలో వేసుకోవాల్సి వ‌చ్చింది. అదే స‌మ‌యంలో  `దూకుడు`మీదున్న కాన్ఫిడెన్స్ తో సూప‌ర్ స్టార్ - శ్రీనువైట్ల‌కు మ‌రో ఛాన్స్ ఇచ్చాడు. అదే `ఆగ‌డు`. ఆ సినిమా ఇద్ద‌ర్నీ కోలుకోని దెబ్బ‌కొట్టింది. భారీ అంచ‌నాల న‌డుమ విడుద‌లైన సినిమా బాక్సాఫీస్ వ‌ద్ద ఎలాంటి ఫ‌లితాలు అందుకుందో తెలిసిందే. ఆ త‌ర్వాత మహేష్  వెంట‌నే ప్లాప్ నుంచి బ‌య‌ట‌ప‌డినా - శ్రీనువైట్ల మాత్రం ప‌ట్టాలు  త‌ప్పాడు. త‌ర్వాత చేసిన సినిమాల‌న్నీ డిజాస్టర్ల గానే మిగిలాయి. చివ‌రికి స్నేహితుడు ర‌వితేజ క‌రుణించి `అమ‌ర్ అక్బ‌ర్ ఆంటోని` తో ఛాన్స్ ఇచ్చిన సంగ‌తి తెలిసిందే.

తాజాగా ఈ సినిమా ప్ర‌మోష‌న్ లో భాగంగా మ‌హేష్ తో - శ్రీ‌నూకి ఉన్న రిలేషన్ గురించి మాట్లాడుతూ... `ఆగ‌డు` ప్లాప్ త‌ర్వాత మ‌హేష్ తో మీ రిలేష‌న్ ఎలా ఉంద‌ని ఓ క్వ‌శ్చ‌న్ రెయిజ్ చేసింది మీడియా. దీనికి శ్రీ‌నూ ఆస‌క్తిక‌ర స‌మాధానం ఇచ్చాడు. `మ‌హేష్ నాకు మంచి స్నేహితుడు.  ఇద్ద‌రి మ‌ధ్య స‌త్స‌సంబంధాలున్నాయి. నాకు ప్లాప్ లు ఉన్నాయ‌ని - నేను ఆయ‌న‌కి స‌క్సెస్ ఇచ్చాన‌ని - నాతో మ‌రో సినిమా చేయండ‌ని ఎప్పుడూ అడగ‌లేదు. అప్ప‌ట్లో ఇద్ద‌రం కలిసి ప‌నిచేయాల‌నుకున్నాం. చేసామంతే. అలాగే ఏ నిర్మాత‌ను నాతో సినిమా చేయండ‌ని ఇప్ప‌టివ‌ర‌కూ అడ‌గ‌లేదు. `అమ‌ర్ అక్బ‌ర్ ఆంటోనీ` నిర్మించ‌డానికి ఐదుగురు నిర్మాత‌లు పోటీప‌డ్డారు. కానీ నా ఛాయిస్ మైత్రీ మేక‌ర్స్ అయింది. అందుకే వాళ్ల‌తో సినిమా చేసా. సినిమా బాగా వ‌చ్చింది. సక్సెస్ పై కాన్ఫిడెంట్ గా ఉన్నాం` అని తెలిపాడు.