పాపం శ్రీయ.. ఎవ్వరూ చెప్పుకోవట్లేదు

అసలు ఈరోజు రిలీజైన సినిమాల్లో అందరూ అందరి గురించి చెప్పుకుంటున్నా కూడా.. ఒక్క పేరు మాత్రం వినిపించట్లేదు. అసలు శ్రీయ సరన్ అనే పేరును ఎవ్వరన్నా తలుచుకుంటే పాపం అన్నతరహాలో ఉంది పరిస్థితి. అమ్మడు కూడా తన గురించి ఎవరైనా చెబుతారేమోనని ఆత్రంగా ఎదురు చూస్తుంటే.. అస్సలు ఒక్కరు కూడా మాట్లాడకపోవడం ఈమెను బాధిస్తోందట.

ఈరోజు విడుదలైన 'నక్షత్రం' సినిమాలో శ్రీయ ఒక ఐటెం సాంగ్ చేసింది. గతంలో శ్రీయ చేసిన ఐటెం సాంగులు అయితే సాంగ్ ట్యూన్ కారణంగా హిట్టయ్యాయ్ లేదంటే పాటలో ఈమె అందాల కారణంగా పేరొచ్చింది. దేవదాసు.. మున్నా.. పులి సినిమాల్లో ఈమె చేసిన స్పెషల్ నెంబర్లకు ఆ విధంగా పేరు బాగానే వచ్చింది. కాని నక్షత్రం సినిమాలో శ్రీయ చేసిన ప్రత్యేక గీతం గురించి మాత్రం అటు మ్యూజిక్ లవ్వర్స్ కాని ఇటు గ్లామర్ లవ్వర్స్ కాని మాట్లాడుకోవట్లేదు. ఎందుకంటే ఆ సినిమాలో ఇతర పాటల్లో రెజీనా కసాండ్ర అండ్ ప్రగ్యా జైస్వాల్ ఆరబోసిన అందాలు అట్టాగున్నాయ్. వారి ముందు శ్రీయ సింపుల్ గా తేలిపోయింది. ఆ పాట కూడా ఇతర పాటలతో పోల్చితే కాస్త వీకే.

నిజానికి శ్రీయ ఎందుకోగాని తను చేసే పాటల్లో కూడా పెద్దగా ఆసక్తి కనబరుస్తున్నట్లు లేదు. ఏదో తూతూమంత్రంగా డ్యాన్స్ ఆడేస్తున్నట్లే అనిపించింది. అదే ఒకప్పుడు శ్రీయ అంటే.. హీరోలతో పోటీ పడి మరి స్టెప్పులతో మత్తెక్కించాలని ప్రయత్నించేది. తన అందాలతో పెద్ద పెద్ద హీరోల క్రేజీ డ్యాన్స్ స్టెప్పులను కూడా డామినేట్ చేసేది. అంతేలేండి.. రోజులన్నీ ఒకేలా ఉండవ్ కదా!!